Solidariteit wil elke lid en ondersteuner graag bedank vir elke bydrae wat gemaak is en ook vir die vertroue wat elke lid gedurende 2020 in Solidariteit geplaas het.
Danksy jou bydrae en ondersteuning in 2020 het Solidariteit die volgende in die jaar vermag:
Solidariteit begin met regstappe om te verhoed dat die regering pensioenfondse gebruik om ander sukkelende staatsondernemings te finansier. “Ongeag wie jy is, waar jy werk en aan watter organisasie jy behoort, ons sal namens jou veg om jou pensioen te beskerm.” – Dirk Hermann, bestuurshoof van Solidariteit.
Solidariteit se Beroepsgilde vir Gesondheidspraktisyns stel ʼn vyfpuntplan bekend om doelgerigte stappe te doen teen geweld wat op gesondheidspraktisyns gemik is. Die plan het ten doel om ten alle tye die veiligheid van mediese personeel te verseker. “Gesondheidspraktisyns is ʼn nasionale bate. Hulle moet gekoester word.” – Henru Krüger, sektorhoof by die Solidariteit Beroepsgilde vir Gesondheidspraktisyns.
ʼn Reuse-oorwinning word behaal vir ʼn Solidariteit-lid wat by die Departement van Justisie en Staatkundige Ontwikkeling werksaam is, nadat sy in 2019 onregmatig sonder betaling geskors is weens vals klagte van rassisme wat teen haar ingebring is. “Ons sal aanhou veg vir ons lede wat slagoffers word van hierdie toenemende tendens van vals bewerings van rassisme.” – Mariesa Janse van Rensburg, Solidariteit-litigant.
Die Covid-19-Krisissentrum is tot stand gebring om die gemeenskap midde-in die koronaviruskrisis te ondersteun deur middel van inligting en hulpmiddels. Tot op hede het 17 694 persone op die Krisissentrum geregistreer. Ons aanlyn regskenner het sedert 17 Maart 12 552 navrae vanuit die gemeenskap ontvang en suksesvol hanteer. Twaalf verslae is uitgereik waarin ons die gemeenskap op hoogte gehou het van internasionale tendense, en 4 615 persone het die simptometoets gedoen.
Solidariteit het sy saak teen die regering se planne om krisisbefondsing aan klein, medium en mikro-ondernemings onderhewig aan swart ekonomiese bemagtiging te maak tot in die Noord-Gautengse hooggeregshof geveg. Solidariteit en AfriForum het geappelleer na die Hoogste Hof van Appèl in Bloemfontein, na die Konstitusionele Hof se beslissing. Die saak word in 2021 aangehoor. “Dit is in die beste belang van alle Suid-Afrikaners dat kwalifisering vir hierdie fondse nie op grond van ras bepaal moet word nie.” – Anton van der Bijl, hoof van arbeidsregsdienste by Solidariteit.
Die Solidariteit Beweging roep ’n krisisfonds in die lewe om die maatskaplike nood te verlig wat as gevolg van die Covid-19-krisis ontstaan het, asook om ons gemeenskap se kinders deur Wolkskool te help leer. Sedert 4 April kon die Solidariteit Beweging daarin slaag om 22 508 gesinne te help en 2 064 instansies by te staan. R1,9 miljoen is aan Wolkskool toegeken en R18,6 miljoen is aan maatskaplike hulp bestee.
Solidariteit stuur sy Covid-19- ekonomiese herstelplan aan die president en aan ministers Ebrahim Patel en Tito Mboweni. Dié plan bied ʼn omvattende ontleding van vorige ekonomiese krisisse en hoe Suid-Afrika se reaksie in die verlede tot stagnasie en swak groei gelei het. Die plan bevat ook voorstelle vir hoe om op hierdie kritieke tydstip nou die regte besluite te neem.
Weens Covid-19 en die lomp inperkings loop die ekonomie gevaar om onherstelbare skade te ly. Solidariteit voer aan dat die ekonomie vinniger maar steeds gesond terugfaseer moet word. Solidariteit bied ’n webinaar aan vir vakbonde, werkgewers en regeringsamptenare met maatreëls oor hoe om SA weer aan die werk te kry – hoe om gesond te werk en kliënte gesond te hou.
Solidariteit lê ʼn strafregtelike klag teen die minister van kleinsakeontwikkeling, Khumbudzo Ntshavheni, nadat die minister onder eed in hofstukke aan Solidariteit onderneem het dat ras nie ’n rol speel as maatstaf vir hulp aan kleinsakeondernemings nie. Die klag sluit onder andere meineed in.
Solidariteit-lede staan op en sê “Ons maak nie ’n keuse tussen gesondheid en werk nie; ons kies vir gesonde werk.” Solidariteit het ’n omvattende Goeie Praktykskode ontwikkel om werkgewers in staat te stel om te kan werk. Al wat tussen gesonde werk en werkers staan, is die regering se regulasies.
Die kode het ten doel om te help dat leerlinge weer voluit kan leer, maar ook om risiko’s rakende Covid-19 doeltreffend te bestuur. Die praktykskode is deur beroepsgesondheidskenners opgestel en bevat beste praktyke ingevolge die tersaaklike wetgewing en regulasies. “Die gesondheid van onderwysers, leerlinge en ander personeel is vir Solidariteit belangrik, maar toegang tot gehalte-onderrig en kontaktyd tussen leerling en onderwyser is net so belangrik,” sê Hennie Bierman, hoof van Solidariteit se beroepsgildes.
Solidariteit se Maatskaplikewerkersgilde en die Skoleondersteuningsentrum het hulle tot die Pretoriase hooggeregshof gewend deur ’n dringende hofaansoek te loods om die minister van maatskaplike ontwikkeling en die minister van samewerkende regering te dwing om uitsluitsel te gee oor die opening van private kleuterskole en dagsorgsentrums.
Regter Fabricius beslis in die guns van Solidariteit se Maatskaplikewerkersgilde en die Solidariteit Skoleondersteuningsentrum. Private kleuterskole en dagsorgsentrums is daarop geregtig om onmiddellik te heropen indien hulle dit veilig kan doen.
Die Landbounavorsingsraad (LNR) onttrek die artikel 189A-proses wat 1 000 poste sou raak. Solidariteit het ʼn taakspan saamgestel om alternatiewe te ondersoek om sodoende moontlike afleggings in die toekoms te vermy.
Die arbeidshof beslis dat Denel al sy uitstaande kontraktuele en statutêre verpligtinge wat hy teenoor Solidariteit-lede het, teen nie later nie as 7 Augustus moet nakom. Dit sluit die betaling van alle uitstaande salarisse vir Mei, Junie en Julie in.
Solidariteit bring ’n dringende aansoek in die arbeidshof om onregverdige afleggings deur Barloworld Equipment Suid-Afrika te stuit. Ras het ’n pertinente rol in die seleksiekriteria van Barloworld se afleggingsproses gespeel. Dit is selfs bo die aantal jare diens van ’n werknemer gestel. Die saak is voorbehou.
Die grootste opstaanprogram in sy 118-jarige bestaan word bekend gestel. Die Werkherstelprogram is saamgestel in reaksie op die staat se verswakking en die druk op die ekonomie en werk weens die Covid-19-inperkingsregulasies, en dit is ’n unieke oplossing om ’n volhoubare toekoms te skep. Dit is op drie pilare toegespits, naamlik werk, welstand en opleiding. “Jy is waardig en verdien ’n volhoubare toekoms; neem eienaarskap van jou eie toekoms.”
Die twee SAPD-lede wat reeds in Junie skuldig bevind is nadat hulle hul bevelvoerder, luitenant-kolonel Annemarie Oosthuizen, valslik daarvan beskuldig het dat sy die k-woord gebruik het, is elk 24 maande se gevangenisstraf vir meineed opgelê, wat voorwaardelik in die geheel opgeskort is. “Daar is geen plek in die SAPD vir rassisme of mense wat die raskaart speel om hulself te verontskuldig en ander mense in die proses valslik te beskuldig nie.” – Renate Barnard, sektorkoördineerder van die openbare sektor by Solidariteit.
Riana is ‘n dinamiese, hardwerkende, lojale mens mens. Sy is aangestel as ontvangsdame en administratiewe klerk. Riana se persoonlikheid om mense te ontvang en om hul met hul probleme te help is op ‘n besonderse hoë vlak. Sy probeer altyd om so vriendlik en behulpsaam as moontlik te wees.
Ons ontvang gereeld en sy kry ook gereeld komplimente van haar goeie en behulpsame wyse hoe sy met mense werk. Haar werk as administrateur toon van uitstekende gehalte. Sy hanteer al die nuwe innames. Die minimum foute word gemaak en sy was al meer as een keer gekomplimenteer vir uitstekende werk. Sy doen haar werk korrek en neem sonder enige klagtes werk huistoe om te verseker dat die sisteeem vlot en korrek verloop.
Riana is ook instaat om meeste van al die administratiewe werk in die kantore te doen. Sy het ook die inisiatief op haarself geneem om die bloedbank vir ons te hardloop. Die proses word van so aard gehardloop dat die skool nie onderbreek word nie. Sy is ‘n passievolle mens en gee baie vir haar medemens veral leerders om.
Agv hierdie positiewe houding is sy ‘n groot aanwins vir ons skool en werklik iemand waarmee ons sal sukkel om mee klaar te kom.
Juanita is my…. en my kliente se persoonlike assistent…. niks is vir haar ooit te veel moeite…. Sy werk daagliks…en saans… en baie keer naweke… selfs Sondae onverpoos om mediesefondslede te assisteer om “verlore” chroniese medisyne op te spoor… dringende goedkeurings (soms lê lede al voor die teaterdeur) te kry en amper onmoontlike eise goedegekeur te kry by fondse.
Sy’t al dikwels langs ‘n doodsbed gesit om n lid te ondersteun en sit soms ure op die foon om sommer net na die oumensies se klagtes, skete en kwale te luister. Sy gee NOOIT op nie… huil soms….. drink n koppie koffie…lig haar kop en gaan aan… te midde van dikwels onredelike en dikwels onmoontlike lede “kap” sy net aan…. sy help dikwels ander adviseurs en makelaars… sonder vergoeding of dat dit van haar verwag word… en… sy hou uit met my…. daar net EEN soos sy…
Bonita is ‘n dame wat jy elke dag deur ‘n ring kan trek. Sy trek professioneel aan en tree ook waardig op. Sy is altyd goed versorg! Sy is altyd baie vriendelik met die personeel en ook met die skool en leerders. Haar hantering van persone wat telefonies met die skool skakel, is uiters professioneel en fantasies!
Geen werk is te veel of te moeilik vir haar nie. Bonita is altyd bereid om die ekstra myl te loop. Sy sal nie aan die einde van haar kantoordag die kantoor verlaat voordat opdragte afgehandel is nie! Sy is altyd bereid om ekstra ure, of selfs op n Saterdag in te gaan skoolkantoor toe om hulp aan ons onderwysers te verleen.
Sy is bekwame persoon met die bemarking van ons skool. Wanneer funksies of fondsinsamelingsprojekte geloods word is sy die “ysterhand” daar agter! Koster Skool Gekombineerd se trots! Ek nomineer haar met n oop gemoed!
Ek Rosa Brindle nomineer my dogter vir die volgende redes.
Te veel om op te noem vir een persoon om te behartig. En dan om altyd vriendelik te wees met emosionele ondersteuning van kanker en baie siek pasiente. Dit is wat Tania vir my Baie, baie spesiaal maak om te sien waarmee sy elke dag te doen kry!
‘n Dame wat die pos van drie mense vol staan. Sy glimlag altyd, maak nie saak hoe erg die druk nie. Sy hou alles baie goed bymekaar. Sy is n super-hero, sy ondersteun ons hoof, die BL en so ook elke personeellid. Suzette is ons skool se hartklop, sy is die Mamma van ons Tuine-familie! Ons waardeer haar!
Rene is die hartklop van ons skool se ontvangs. Sy is ongelooflik toegewyd en bekwaam en sy kla nooit nie. Op die oomblik doen sy twee mense se werk, (aangesien ons ongelukkig ‘n personeellid aan Covid19 afgestaan het.)
Sy is altyd op haar pos, altyd gewillig om te help, en ons wil haar graag vereer vir haar onskatbare bydrae tot ons skool se funksionering! Sy verdien ‘n medalje! Dankie Rene ons waardeer jou!
Magriet is 65 jaar oud en werk nog steeds. Sy is uiters hardwerkend en enige maatskappy se aanwins. Sy is briljant met krediteure en debiteure, wat ongelooflik baie aandag verg, maar sy doen dit met gemak en plesier.
Sy is n moeder vir almal in haar kantoor maar ook die persoon wat leiding gee en elke dag se werk n sukses maak.
Arina is ‘n onblusbare energieke mensie wat haar alles gee. Sy doen haar werk met passie en liefde vir mense. As jy in haar kantoor kom glimlag sy met ‘n sonstraal glimlag en mens voel sommer tuis.
Sy het baie te doen met oorsese toeriste en almal praat met groot lof van haar. Ek nomineer haar want ek glo sy verdien dit oor en oor.
Caroline het die vermoë om met skerp humor ‘n ernstige situasie te ontlont maar ook ‘n sagte hart wat met meelewendheid kan luister na jou probleem en wat sal help om ‘n oplossing te vind.
Sy sal altyd haar werk opsy skuif om iemand anders behulpsaam te wees tot haar eie nadeel, want dan moet sy soveel later werk! Sy het ook nooit ‘n slegte woord te sê oor iemand anders nie. Ek bewonder haar vir haar deursettingsvermoe, geduld, empatie, harde werk, ondersteuning en positiewe ingesteldheid!
Dit is ‘n absolute fees en vooreg om saam met haar te kan werk!
Julie of soos baie van ons haar ken, tannie Julie werk al 26 jaar by Hendrik van der Bijl laerskool. Sy is die hartklop van ons kantoor. As sy nie daar is nie verloop goed net nie soos dit moet nie. Sy is altyd bereid om te help. Nog nooit het ek in die kantoor gekom wat sy sê sy kan nie help nie. Sy gaan uit haar pad vir ons personeel. Sy was vir 24 jaar op ons beheerliggaam. Sy is ook in beheer van die landsdiens en dien ook al 25 jaar by hulle.
Sy is verantwoordelik vir die bestel van ons voorraad elke jaar en dis n kolossale taak, maar sy doen dit met n glimlag op haar gesig. As kinders siek is stuur ons hulle vir haar. Dan help sy hulle met liefde en empatie. Sonder haar sal daar n groot leemte wees. Ek weet nie wie in haar skoene sal kan staan nie, want dis n unieke paar.
Sy is baie stiptelik en hardwerkend. ‘n Persoon met ‘n passie wat altyd haar beste gee. Iemand wat op haar voete kan dink en probleme kan oplos. Ywerig en nederig en weet dat die Hemelse Vader ‘n besondere pad met haar wandel. Sy is opreg en gee te alle tye haar beste. Sy is toegewyd wat haar taak as ‘n roeping sien.
Sy maak bemoeienis met haar kollegas, personeel, ouers en kinders. Wat die administrasie van die skool better is sy op hoogte van alles. Sy het op haar eie opleidingsprogramme deurgewerk en aanvullend die verskillende beleide bestudeer. Sy is rekenaargeletterd en verantwoordelik vir die admin program van die skool. In haar het die skool ‘n dinamiese persoon gevind wat deur haar voorbeeld leiding gee.
Sy is vriendelik, innemend, lojaal en iemand wat baie maklik met haar medemens oor die weg kom. Sy is voortdurend bereid tot en betrokke met selfontwikkeling. Sy beskik oor goeie menseverhoudings en haar spesiale inskakeling is gebalanseerd en gesond. Sy is iemand wat egter op ‘n ferm wyse kan standpoint inneem oor enige aangeleentheid wat na haar mening ‘n saak van beginsel is. Hierdie beslistheid dra daartoe by dat mense juis in krisissituasies na haar kyk vir leiding.
Sy is beginselvas en handhaaf hoë morele waardes. Daar is soveel meer om te sê maar dink die som haar mooi op
Rozanne is ‘n energieke jong dame vol passie en baie lojaal veral teenoor haar werk. Sy gee haar uiterse bes en loop altyd die ekstra myl om haar beroep sukses te maak.
Sy is vol planne vir die toekoms en gereed om die wereld aan te pak. Sy is altyd professioneel en stiptelik en sit altyd haar beste voet voor.
Mev Charmaine Stone is die Snr Administratiewe beampte sedert 2017 in die Navorsingsfokusarea vir Fisieke Aktiwiteit, Sport en Rekreasie (FASRek), aan die Noordwes Unviersiteit in Potchefstroom. Haar verantwoordelikhede sluit algemene kantoor- en administratiewe bestuur, asook finansiële- en menslike hulpbron administrasie in.
Sy is ook die persoonlike assistant vir die Navorsingsdirekteur. Gedurende die afgelope 3 jaar voltooi sy die basiese en gevorderde kurses in kantooradministrasie en kantoorbestuur. Die groei in Charmaine se vaardighede is merkwaardig en sy gebruik hierdie vaardighede wat sy geleer het op ‘n daagliks basis in haar beroep.
Charmaine se gesindheid spreek van ‘n persoon by wie dienslewering haar hoogste prioriteit is. Geen taak is vir haar onmoontlik nie en sy het altyd kreatiewe oplossings, met ‘n glimlag, vir enige probleme wat ontstaan. Haar vaardigheid wat ek die meeste admireer is haar georganiseerde werkswyse asook die feit dat sy geen doeldatum nog ooit gemis het sedert haar aanstelling nie.
Sy werk daagliks met ‘n diverse en uitgebreide kliënte basis wat strek vanaf nagraadse studente, senior bestuur aan die NWU tot verskeie buitelandse besoekers. Alle take word op die hoogste professionele vlak hanteer en georganiseer. Haar werksetiek is van hoogstaande gehalte en haar akkuraatheid indrukwekkend. Charmaine se professionaliteit is van die hoogste gehalte en haar daaglikse stiptelikheid, asook die wyse waarop sy konfidensiele inligting hanteer, is ‘n stille getuienis daarvan.
Ek en my kollegas nomineer haar met die grootste vrymoedigheid en kan met ‘n oop gemoed getuig, dat Charmaine altyd die ekstra myl loop.
HIERDIE dame is ons administrasie kampioen, daar is min wat sy nie kan doen nie, bestuur grooteliks ons hele skool se administrasie en speel sekretaresse vir die meerderheid van die Skool se Bestuurspan.
Sy gaan uit haar pad om almal te help waar sy kan. En as sy nie weet nie vind sy uit. Sy hanteer moeilike ouers en kinders en sommer moeilike onderwysers ook. Jy kan haar afwesigheid aan voel by die skool. Want niks loop reg as sy nie daar is nie en niemand weet waar is wat nie.
Jy kry min van haar soort. Reël die beste verjaarsdag verrassings en ander net om jou dag op te helder. Sy is net WOW en ons kan nie sonder haar klaar kom nie. Haar werk is altyd op datum en van top gehalte.
Frances loop absoluut die ekstra myl vir haar werk asook die werkers onder haar. Sy doen ekstra navorsing tot op die punt wat jy haar enigiets kan vra. Sy help ander wanneer dit kom by wetlike aspekte en raad. Sy het hope en hope werk wat sy hanteer en ek sien haar nooit eers ‘n bietjie benoud raak nie.
Sy is ‘n plesier in die kantoor en kikker almal se dag op. Sy verdien hierdie definitief.
Niks is ooit te veel moeite vir Charlene nie. Altyd bereid om in te spring en te help as daar op haar knoppie gedruk word! Sy spandeer tyd – ver bo wat sy voor betaal word! Absoluut alles kom uit haar hart uit!
Haar gesindheid en geaardheid is altyd onberispelik, en werk met groot gemak asook klas met alle mense wat haar pad kruis. Sy verwelkom enige uitdaging met passie en slaan by wyse van woord hand aan die ploeg op ‘n besondere wyse! Sy is net die pragtigste sprankel in ons ‘elke’ dag. Die grootste geskenk in ons kantoor.
Soveel so dat meeste van ons verlore sou raak sonder haar. Daar is ook ‘n konstante vloei van nuwe gemeente lede en sy hanteer oud en nuut met baie grasie! Haar waarde kan nie gemeet word nie, en haar kundigheid nog meer, sy het voorwaar ‘n leergierige gees en verstaan geensins die konsep van slap lê nie!
Die rede hoekom ons haar inskrywe, is vanweë ons van mening is dat daar baie min mense is wat hul skoene agter haar sal kan aangooi! ONVERVANGBAAR en voorwaar ‘n kantoor KAMPIOEN!
Trynie kan berge versit sonder om ‘n oog te knip of paniekerig te raak! Sy is voorwaar ‘n wonderwerker en dit is amper onmoontlik om alles wat sy in ‘n dag doen, n naam te gee, want sy doen ALLES wat SY moet doen en ALLES wat ander mense nie kan doen nie!!!
Sy is altyd positief oor haar werk en het altyd tyd vir haar kollegas, maak nie saak hoe besig of onder druk sy is nie!
Ons kan nie sonder haar klaar kom nie! Sy is n raak-vat, onderskep-alles-wat-op-die-vloer-kan-val regter hand. Sy sien alles, ken almal, help almal en gee om.
Sy doen haar werk met n glimlag en almal wat met haar te doen het kry sommer vanself n glimlag om die mond.
Melanie is nie net ‘n kollega nie, maar sy voel soos ‘n ma, ouer suster en vriendin. Sy is nie bang om te werk nie en mens hoor haar nooit kla oor die BAIE werk wat ons almal altyd vir haar maak nie. Sy is altyd ywerig om te help, al word dit nie van haar pos verwag nie.
Dit is altyd lekker om in die kantoor in te stap, want jy weet haar borrelende persoonlikheid en lekker lag is genoeg om jou dag op te kikker. Haar professionaliteit spreek boekdele van haar en ouers van leelinge by die skool het net mooi dinge van haar te sê.
Ek sê nog die heeltyd dat sy ‘n prys verdien vir dit wat sy alles doen, en nou hier is haar kans.
Sy het uitstekende sakevernuf en verskillende oordraagbare vaardighede.Ons het deur die jare verskeie projekte saam gedoen, waartydens sy uitstekende administratiewe, toesighoudende en koördinerende vaardighede gehad het.
Leana is doeltreffend en uiters bekwaam. Kliente wat met haar te doen kry is tevrede en beveel haar diens gereeld aan ander. Sy voltooi take suksesvol voor die sperdatum. Sy is baie georganiseerd en gedrewe.Leana het ook ‘n uitstekende verhouding met mense van alle ouderdomme. Haar uitstekende kommunikasievaardighede (beide skriftelik en mondelings) stel haar in staat om met allerhande mense in verbinding te tree en hulle te inspireer om hul beste te lewer.
Ek beveel Leana sterk aan vir hierdie prestasie toekenning. Sy het haarself opgewerk van ‘n polisie beampte af na die administratiewe heldin wat sy vandag is.
Estelle werk vir ‘n veearts in Port Elizabeth. Sy doen meer as net haar werk sy gaan uit haar pad uit om iemand te help. Toe ons Husky verlede jaar ‘n dringende operasie moes ondergaan was sy die heeltyd daar vir haar. Sy het Libby (ons husky)by haar in haar kantoor gehou omdat Libby nie van n geraas hou net. Estelle het gesorg dat sy weer begin eet het soggens 6 uur ingegaan om seker te maak alles is reg.
Ons Libby het by haar voete gelê totdat sy rustig was en weer begin eet het. Dit is nie Estelle se werk nie sy doen die administratiwe werk en rekeninge maar sy het dit gedoen omdat sy lief is vir diere en vir haar werk. Ek nomineer haar omdat sy baie meer doen as wat haar kantoor pligte is. Baie dankie
Chantelle is konsultant vir rooibostee.Sy is die beste in haar werk.Sy het goeie menseverhouding.Klientediens is sy baie goed in en kan baie goed met mense werk.
Haar werk is altyd op datum.Sy is netjies op haarself.Sy Kom goed oor die weg met ander konsultante.
Theresa is die skool se ontvangsdame wat uiters professionele is. Sy hou baie streng by alle reëls en niemand kan haar ompraat nie. Sy stap die ekstra myl deur altyd eerste van almal by die skool te wees en nooit haar pos te verlaat vir enige funksie in skooltyd nie.
Sy het altyd ‘n grappie/trooswoord/aanmoediging reg vir enige personeellid en die geskenkie wag vir jou as jy verjaar. Theresa is werklik almal se toevlug en ondersteuning.
Arina Jooste is die Uitvoerende Beampte van die Transoranje Instituut vir Buitengewone Onderwys (TOIBO). Sy beklee die pos die afgelope 17 jaar. Met haar dinamiese benadering en toewyding is TOIBO uitgebou tot ‘n toonaangewende organisasie vir vyf skole met leerders met spesiale onderwysbehoeftes.
Sy kon met tyd die fondswerwing uitbrei na die privaatsektor wat nou net soveel bydrae as die drie susterskerke, wat die stigterlede is. Sy kon ook regdeur die COVID pandemie verseker dat die toekenning aan die skole konstant bly. Haar positiewe gesindheid en leefwyse kon nie net deurgaans die borge positief beinvloed nie, maar ook die hoofde en onderwysers by die skole. Sy verseker dat TOIBO gefokus bly op die visie en missie en sodoende die hoofklient, naamlik die behoeftige gestremde kind die voordeel toekom.
In die proses bestuur sy verhoudings met ‘n redelike komplekse belanghebbergroep wat insluit kerkleiers, onderwysleiers, donateurs (indiwidue, maatskappye en trusts asook organisasies soos Solidariteit Helpende Hand) en ad hoc rolspelers soos die Gauteng Departement van Onderwys, ouditeurs en die media. Sy skik haar na omstandighede en kommunikeer te alle tye skriftelik en mondeling professioneel. So verseker sy hoë gehalte voorleggings, notules en ‘n besondere jaarverslag.
Haar administratiewe-, kommunikasie- en bestuursvaardighede verseker dat TOIBO se reputasie puik is en gestaaf word met ‘n gunstige ouditverslag die afgelope 22 jaar. Arina word waardeer as ‘n selfgemotiveerde werknemer wat sonder waarlike toesig, met ‘n konstante en blymoedige poging, sorg dat ‘n kantoor, bates, administrasie, finansies, fondsinsameling en skakeling puik bestuur word.
Karen het as blote ontvangsdame by ons Kliniek begin werk en toe die hoof admin pos skielik vakant geword het het sy haar werklike vaardigheid bewys. Karen is die rots wat sorg dat alles in die praktyk seepglad verloop. Sy is die persoon wat jy kontak as die rekenaar nie wil doen wat jy wil hy moet doen.
Sy is die persoon wat sorg dat jy ‘n voertuig… en’ n kosgeldjie het as jy na vergaderings moet gaan. Karen stap die ekstra myl elke dag. Sy hou almal op tyd… En dit vat skill met ons bestuurder . Maar Karen is ook die persoon wat sal sien dat jy ‘n af dag het en bietjie gesels nodig het of net bietjie omgee. Ons praktyk het nog nooit so goed gefunksioneer soos nou nie. As jy haar iets vra om te doen gebeur dit dadelik. Alhoewel sy baie georganiseerd is het sy lewens ervaring wat haar met omgee en deernis na haar kolegas en die pasiënte laat kyk.
Sy het ‘n passie vir haar werk. Wat Karen so uniek maak is dat sy soveel gegroei het. Karen het nie noodwendig die papier kwalifikasies nie, maar sy het haarself opgewerk en skill getoon. Ek kan ons praktyk nie sonder haar voorstel!
Tannie Estelle is die ontvangsdame by Laerskool Helderkruin. Sy is die mamma figuur vir die gr 1. Sy is die steunpilaar vir die ouer kinders. Daar is geen probleem te groot vir haar nie. Sy het my as ‘n mamma van die skool al vele Male gehelp.
My kind het in graad 1 nie by die naskool bussie op tyd opgedaag nie en Tannie Estelle het my kind by die kantoor gekry en my laat weet sy is veilig. In gr 2 het my kind haar ken oopgeval en Tannie Estelle het die wonder met liefde verbind en trane afgevee. Sy volg op as my kind nie dag by die skool is nie wil net hoor of alles ok is. Sy is die hart van die skool.
Wanneer ‘n week te lank voel, probleme soos berge op jou skouers rus of selfs as jy handjie nodig het, is Chantel die een om te vra. Chantel is ‘n jong dame wat voltyds studeer vir onderwys en voltyds werk by TDMI Training.
Haar verantwoordelikheid is om die studente te help met finale assesserings en die registrasies by die Departement van Arbeid af te handel. Alhoewel haar vurk vol is met baie studies en werk, is sy altyd op haar pos, werk altyd op datum en sy is altyd reg om die kantoor se buie bietjie op te beur.. Sy kan jou onkant vang met liedjies, stories en haar vriendelike persoonlikheid.
Sy is altyd reg vir n uitdaging, help kliente tot die beste van haar vermoë en hou die kantoor personeel op hulle tone. Chantel weet wanneer om professioneel, vriendelik en soms snaaks te wees. Sy is ons kantoor se kampioen!
Ons kantoor kan nie bestaan as Tersia nie daar is nie ! Sy is my alles en verstaan die kliente se probleme. Human Settlements is ons grootste klient en Tersia hanteer hulle eie handig.
Vriendelik met groot deernis vir ander mense maak nie saak wie dit is nie of watter tyd dag of nag nie! Sy is geliefd en uiters professioneel en daar vir almal …. altyd !
Ronel werk vir my op ‘n tydelike basis en doen my administratiewe werk meestal na ure, dit doen sy sonder enige vergoeding. Gedurende die dag tussen 8:00 – 16:00 werk sy by ons lokale Hospice waar haar werk portefuelje persoonlike assistent, ontvangs dame, mediese adminstrateur en aansoeke skryf en weg stuur om geld in te samel vir die organisasie – ek dink ay verdien om erken te word, sy is altyd bereid om te help al is dit partykeer uit haar gemaks sirkel.
Ek weet haar permanente baas aanvaar al haar ekstra werk wat sy doen as vanselfsprekend al help sy haar ook baie met haar persoonlike goed ook – sy is altyd bereid om haar mede werkers ook te help waar sy kan – ek dink sy is ‘n absolute ster, sal ver moet soek om so iemand van haar kaliber, lojaliteit en determinasie te vind.
Altyd bedagsaam. Sy sal uit haar pad gaan om nodige inligting te verkry maak nie saak wat nie. Konsidereerend dag en nag beskikbaar Altyd positief, opbeurend en vriendelik Matilda altyd bereid om te help en die ekstra te doen.
Gee altyd terugvoering op tyd en gefokus. Na ure aan ekstra projekte te werk. Oospronklike idees en begroting georienteerd en ekstra by te gee om iets mooi te skep met goedtjies wat mens nooit kan dink werk so mooi uit nie!
Daardie tiepe mens wat jy altyd kan op steun en daar is al is die dag hoe druk, Altyd positief. Hartsmens wat sy is plaas sy altyd haar medemens se behoeftes eerste. Al het sy ‘n hoë werkslading maak sy altyd tyd. Tilla laat mens altyd voel jy is belangrik.
Haar mooi manier om met mense te praat druk jou hart en laat jou spesiaal voel en eintlik is sy daai spesiale persoon wat mense so optel en ondersteun.
2020 was ‘n uitdagende jaar vir Jurina Boyes. Sy was bevoorreg om voltyds van die huis af te werk, maar het ‘n goeie aanbod nader aan die huis gekry deur ‘n bestuursagent in Augustus 2020. Op 1 Oktober 2020 aanvaar sy ‘n werk by ‘n aftreeoord nader aan die huis. Wat ‘n nagmerrie tussen Oktober en Februarie en die bestuursagent bedank summier en gee die personeel oor aan die oord! [Die bestuursagent het personeel teen ‘n baie laer salaris betaal en valse beloftes beloof.]
Met nuwe personeel en ‘n R300m aftreeoord om te bestuur het Jurina dadelik ingespring. Sy het onmiddelik aan haar personeel gedink, 4 van hulle. Kontrakte is bespreek en in plek gesit, Pligstate is opgetrek. Nuwe bank registrasies is in plek gesit en her-struktuering in die kantoor en op die Huiseienaarsvergening bestuur is geimplementeer.
In 3 maande, het sy 8 maande se agterstand ingehaal. Menigte slaaplose nagte en bekommernisse het ingetree, maar Jurina se gesindheid, positiwiteit en toegewydheid het ingeskop. Sy het elke projek stuk-vir-stuk en dag-vir-dag aangepak. Haar persoonlike groei, vaardigheid en professionaliteit het sy uitgebeeld om kliëntediens te verskaf aan die inwoners van die oord, 164 van hulle; as jy nou nie die kinders en klein-kinders wat ook hulle staal wil wys, by tel nie!
Dit was ‘n paar moeilike en harde weke. Dit wys jou net dat sy die stilpunt van die aftreeoord is. Die HEV bestuur het vir Jurina en haar personeel permanente aangestel met hoër salarisse; wat ‘n kern vir daai span!
Esmarie is n ware staatmaker. Haar dienste aan haar kliente is uitstekend. Sy het haar honeursgraad met lof geslaag, terwyl sy voltyd gewerk het. Sy is n jong mamma, eggenoot en behartig haar huishouding met n glimlag. Sy maak tyd om kollegas in moeilike situasies uit te help, selfs al is sy ook onder druk.
Grappies is altyd daar om enige mens se bui op te helder. Sy is eenvoudig ‘n kosbare en dierbare mens wie baie vir haar medemens wil doen.
Goeie more Ek nomineer vir Celeste Walters. Sy is altyd bereid om almal te help en doen haar werk met ywer en maak altyd seker dat alles op datum is voor sy die kantoor verlaat.
Sy sal ook uit haar pad gaan om iets ekstra te doen. Sy toon baie respek en kom baie goed oor die weg met kliënte en mede werkers. Sy is n aanwins vir die maatskappy.
Tersia is known as Big T, but no ordinary cup of tea!. She lives the values of our company and are a true and professional representative of our Company and our Brand.
For the last 5 years she is specializing in mentoring, coaching and uplifting the office professional profession. Her attributes to our company is that she is a loyal and trustworthy person with high morals and standards. She resonates with the Company’s Objectives by being Responsible, Open and Connected, Adaptable, taking Ownership and believe in Diversity.
She is a true leader in the office professional field and deserve to be recognized. Big T, I salute you!
Hierdie dame is ‘n merkwaardige mens. Hierdie gesogde prys vir haar, is my grootste wens. Haar sonskyn menswees en passie vir ander Spoel oor die hele skool soos n aansteeklike brander. Haar kennis van finansies word hoog op prys gestel. Sy kan met hoflikheid, selfversekerd, haar kant van ‘n saak stel. Altyd dieselfde, al is haar hart soms broos. En almal, selfs die kinders, is deel van haar kroos. Sy is die meester van soveel meer as geld, Verpleegster, versorger, mamma, verseker my held.
Haar omgee ken geen perke, en oorskry elke ras, kleur en geur. Selfs in die dierewêreld en met liefdadigheid, kan jy haar nie keer. Die kuns van moeilike kliënte (ouers) het sy ook al bemeester, en met sagkuns behandel sy elkeen afsonderlik en begeesterd. Sy is die sonskyn van die kantoor, ‘n poetsbakker van formaat. En ‘n personeelkonsert sal sy nie mis nie, dis deur haar kreatiwiteit waarby ons veral baat. Elke kursus woon sy met graagte by, sy sê altyd kennis is ‘n wenresep met ervaring daarby. Vir haar kan jy maar in die diepkant gooi, want swem sal sy swem, en haar menswees oor elke takie strooi. Ja die dag wat sy haar goedjies moet vat en loop, plak ek haar aan haar stoel vas met stroop.
Haar vaardighede is nou maar net van so aard, sonder haar sal ons verlore wees soos die boemelaar op straat. Sy gebruik die gawes wat onse God haar mee geseën het, tot voordeel van almal en alles. Slaan met elke taak ‘n ses, beter as Jacques Kallis. Geseënd is elke liewe mens of dier, wat haar padjie mee kruis, Sy is n aanwins, ons trots, ons kantoorkampioen en verdien beslis hierdie merkwaardige prys.
Magda is al naby aftree-ouderdom, maar regeer die administrasiekantoor met ‘n ysterhand! Sy is ons afroltannie, hanteer leerder-inskrywings en -oorplasings, asook die SASAMS, terwyl sy tussendeur die telefoon beman en e-posse lees en beantwoord. Sy is soms kwaai, maar moet wees, anders maak ons onnies die lewe vir haar hel!
Sy maak kopie vir al die opvoeders en tik vraestelle vir diegene wat ‘n bietjie rekenaarONgeletterd is. Sy is altyd op haar pos en neem byna nooit verlof nie! Professioneel is sy altyd! Sy help altyd en tree altyd op in die beste belang van ons skool! Hierdie toekenning verdien sy deur en deur!
Charmaine het eers in Februarie 2021 vir my begin as ‘n call centre dame, wat net eenkeer ‘n week moes inkom, sy is van daardie dag nog elke dag daar, sy het my hele kantoor begin run sonder dat ek eers gevra het. Sy is toegewyd, altyd op tyd, niks is ooit vir haar te veel nie!
Charmaine het al baie klippe gekou in haar lewe en ek dink sy verdien dit om bietjie prys te kry! Ek is baie geseënd om haar aan my sy te hê!
Ek het grootgeword met 'n pa wat ’n ambagsman was en ek sweis al van kleins af. Ek was in 'n tegniese hoërskool en het na skool in Engeland gewerk. Toe ek terugkeer SA toe is ek dadelik terug in die ambag en het ek by 'n ingenieursmaatskappy gewerk waar ek in CNC-programmering begin spesialiseer het.
Meer inligting:
Ek werk vir myself by CPR-vervaardiging. Ek werk hoofsaaklik met staal en my passie is wapensmede. Ek vervaardig ook my eie knaldempers en sluiper knaldempers, maar soos meeste entrepreneurs sal weet, fokus ’n mens op dit wat die rekeninge betaal. Ek woon in Pretoria. My rooiseël is verwerf en ek het in beide motorsport en die wapenbedryf gewerk voordat ek in 2016 my eie besigheid begin het.
Ek is al 7jr in hierdie pos. Publiek weet nie wat agter die skerms aangaan nie. Staatswerkers word altyd sleggese. Ek begin al 7h00 in die oggend werk. Ek behartig al die staf se persoonlike leers en verlof.
Ek het my pligte as PA vir Hofbestuurder wat my heeldag besig hou. Intussen moet ek met publiek deel en klagtes uitsorteer. Ek tik weekliks klagstate wat moord, verkragting en kinders wat onsedelik aangerand is deur hul ouers en/of familie of vreemdelinge.
En ek moet afsluit voor ek huistoe gaan. Ek is sekretaresse, suster, dokter, verpleegster, prokureur, mediator, ma en vrou. Deur dit als heen help ek ook’ n kind van ons armer gemeenskap om aansoek te doen vir haar werk permit.
Het ook gehelp met haar matriekafskeid, borge gekry daarvoor. Sy het pragtig gelyk. Ek is niks spesiaal nie, maar die spesifieke kind het dit nou die dag genoem dat om mense te help my ‘super power’ is… Lieflike mens is sy.
So as ek myself nie kan nomineer nie, het iemand ten minste die bostaande gelees. En dit maak my hart bly.
Geen werk of taak is vir Ina te veel nie. Sy werk nagte om vir ons firma en veral deur die inperkingstyd het sy gesorg dat almal van ons se behoeftes na omgesien word.
Ons salaris is altyd op tyd betaal en sy is altyd altyd vriendelik.
Een kommentaar is te min om al my dankbaarheid en ons firma vir Ina aan julle te skryf nie asb sy verdien hierdie nominasie.
Debbie is altyd die sonskyn in die kantoor. Haar borrelende persoonlikheid laat jou glimlag en haar positiwiteit is aansteeklik. Sy is n doelgerigte passievolle kollega wat se hande vir niks verkeerd staan nie.
Met topklas kliëntediens is sy ons staatmaker en verseker dat ons altyd die beste diens moontlik lewer. Debbie is gretig om te leer en betrokke te raak by verskillende afdelings van die besigheid. Sy bestuur projekte, help met logistiek en is tans ook nuut in beheer van voorraad. Haar organiserings vaardighede en presisie kom goed te pas in hierdie aspekte van haar werk.
In tye van verandering is Debbie ywerige om die las te help dra en spring in om te help waar sy kan en nuwe pligte te help deel. Sy is voorwaar ons geheime wapen en ons is uiters trots op die professionele diens wat sy ons kliënte bied.
Die Solidariteit Gilde vir Kommunikasie en Bemarking wil deur die #GoeieGons-toekenning erkenning gee aan die onblusbare talent van Afrikaanse ontwerpers, bemarkers, kopieskrywers, joernaliste, omroepers, videovervaardigers en fotograwe.
Klik hier om die volledige bepalings en voorwaardes te lees.
Vandag het ek (deur die genade van die Here) twee ambagsmanne (ek kort dringend nog een, maar outo-elektrisiëns is baie skaars, dis die dat ek nog steeds op die instrumente is), ’n drywer, twee persone wat die spaarparte behartig, drie vakleerlinge, een ongekwalifiseerde werktuigkundige, twee kantoordames, twee mense wat die eenhede doen en twee instrumentbeamptes/skoonmakers. Ek het ook onlangs ’n battery afdeling begin.
Meer inligting:
Deur in my ambag te slaag, en getrou te bly aan opbouende insette, en die toepassing van my keuses asook die resultate daarvan kon ek ’n suksesvolle loopbaan volg in die staalbedryf. Deur die leuse van “Werk saam; Wen saam” ter harte te neem, kon ek verskillende bestuursvlakke suksesvol betree. Met produksiebestuur en fabriekbestuur, kon ek tot in ’n senior vlak van korporatiewe bestuur, inbeweeg. Ek het tussen verskillende industrieë rondgeskuif, van die staal- na die motor-, na die treinbedryf en later weer terug na die staalbedryf, waar ek tans werk. Ek het al in SA, China en in Europa gewerk tydens verskillende opleidingfases. Dit het my deurlopend ’n sterker persoon gemaak en my ook as ’n entrepreneur gehelp om my eie onderneming te kan bestuur. Ek ontwikkel en vervaardig, onder andere, gepantserde voertuie vir die sekerheidsindustrie, en ons is trots op ons eie Suid-Afrikaans-vervaardigde produkte, IP. Ek is dankbaar vir die ervaring om in die staalbedryf te mag werksaam wees.
Meer inligting:
Ek is nou hoof- uitvoerende beampte na 31 jaar in die staalbedryf. Ek is ook die stigter, eienaar en besturende direkteur van Wohler Manufacturing. Ons het ons eie fabriek in Wonderboom-landbouhoewes in Pretoria opgerig, waar ons woon en elke dag werk.
Ons is getrou aan ons roeping wat gebaseer is op uitnemende gehalte deur bevordering en diversifisering, sowel as die voortgesette ingesteldheid van kwaliteit en lae insetkoste vervaardiging deur ons maatskappy se diens. Wohler bied ’n wye verskeidenheid staalprodukte en dienste in die staalbedryf, www.wohler.co.za.
Ek is tans ’n voorman in elektries by Tri-Star Construction, en is woonagtig in Alberton. Wat ek van my werk geniet is die feit dat ek iets gaan agterlaat. Al is ek lankal weg, sal my kinders en kleinkinders nog kan sien wat ek gedoen het en waar ek dit gedoen het. Om ’n gebou van onder af te begin bou en dit te sien wanneer dit klaar is, is baie bevredigend.
Meer inligting:
Ek is al vir 38 jaar in die konstruksiebedryf werksaam. Ek was betrokke by groot projekte soos die sentrale terminaalgebou by Oliver Tambo-lughawe, asook by die Palmridge-landdroshof, en SANRAL se dienskantore. Ek was verder ook betrokke by die bou van Magalies Hills die winkelsentrum in Brits, sowel as by die bou van Jewel City in Sandton en nog vele meer.
Ek hou van uitdagings. Iemand het een keer gesê: “Give Thinus nothing and Thinus will give you something”. Ek hou daarvan om goed te maak, reg te maak en bestaande produkte te verbeter. Ek het 'n werkskamer waar ek ure van my tyd spandeer om laboratoriumapparate reg te maak en te diens. Ek het al laboratoriumapparate ontwikkel wat suksesvol al vir jare in laboratoriums gebruik word. Ek het 'n “electroplating”-besigheid wat ek op die been gebring het. Tegniese uitdagings los ek op. Ek glo nie aan die frase: “kan nie”. Daar is altyd 'n uitweg om 'n probleem op te los.
Meer inligting:
Ek is tans ’n navorsings- en ontwikkelingsbestuurder vir Seton SA. Die industrie waarin ek werksaam is, is Automotive Leather. Ek woon in Nigel.
Ek het by God die gawe ontvang om met my hande te werk en om 'n brein te wat ingestel is op tegniese goed. Ek geniet wat ek doen en wil altyd my kennis met ander deel. Ek sê altyd as 'n mens 'n ding gemaak het kan ek hom regmaak of beter maak. Ek is so bevoorreg om my ambag en dit wat ek weet by Kumba te kan leer en toepas.
Ek is nou 'n meganiese voorman by die meganiese opknap afdeling in die sentrale werkwinkel. Ek werk vir Kumba Sishen. Ek werk onder meganiese ingenieurswese. Ek woon in Kathu, in die Noord-Kaap.
Meer inligting:
Ek het grootgeword met 'n pa wat vir 40 jaar in opleiding (Sivos) gewerk het waar ’n groot meerderheid van ambagsmanne opgelei is in sy tyd. Hy het my al die fynere kennis en vaardighede van my ambag en ander geleer. Hy het altyd vir my gesê jy kry twee soorte ambagsmanne – een wat jy moes leer om een te word en dan is die ander so gebore.
Ek het my bedradingslisensie voltooi en werk in ’n plaaslike owerheid gekry. Dit is my absolute passie om foute op oorhoofse lyne, kabels, motors en “starters” te soek. Wat my die meeste fassineer is sodra ’n mens dink jy het alles gesien is daar iets nuut. My werk is baie interessant veral omdat ek met mediumspanning en laagspanning werk. Ek het reeds 12 jaar ondervinding in die plaaslike owerheid en het 7 jaar in die privaat sektor gewerk. Ek kry ook die geleentheid om van tyd tot tyd met vakleerlinge te werk en hulle op te lei. Ek het 'n kursus as assessor en werkplekmentor voltooi om vakleerlinge beter te kan help. Dis nie wat mens doen wat saak maak nie, dis hoe jy dit doen. Goeie gehalte vakmanskap is vir my baie belangrik. Ek verafsku mense wat my beroep met swak vakmanskap deur die modder sleep.
Meer inligting:
Elektriese Superintendent
Langeberg Munisipaliteit
Elektries
My naam is Rudie de Jongh. Ek het sedert skooltyd baie belanggestel in elektrisiteit. Na skool kon ek nie werk in die elektriese bedryf kry nie en ek het my dienste gratis aangebied as kontrakteur in ruil vir 'n vakleerlingskap. Ek het egter verhuis en moes 'n nuwe plan maak. Ek het by 'n kontrakteur in George werk gekry en hy het my gehelp om my droom te bewaarheid en om my vakleerlingskap te voltooi.
Ek het in 1988 my vakleerlingskap by ’n firma genaamd Alusaf, ’n aluminium smeltery in Richardsbaai begin. In 1997 het ek as meulmaker by Johnson Tiles begin werk. Daarna is ek bevorder tot die leidendehand (“leading hand”), en later na ’n tegnikus. Twee jaar daarna is ek aangestel as instandhoudingvoorman waarna ek as die produksiebestuurder van die aanleg gewerk het. Ongeveer twee jaar na dit is ek aangestel as superintendent ingenieur. Nou is ek in beheer van ingenieurswese. Ek is verantwoordelik vir al die projekte se instandhouding, en ek was al verskeie kere in Italië namens Alusaf vir besigheid in die algemeen asook die aankoop van nuwe tegnologie.
Meer inligting:
Tans woon ek in die Moot-omgewing in Pretoria. Die pos wat ek vir die afgelope 12 maande beklee, is dié van superintendent ingenieur, en die waarnemende bestuurder van ingenieurswese by Johnson Tiles, ’n onderafdeling van Norcros SA, waar ons keramiekteëls vervaardig.
Ek het ’n baie groot passie daarvoor om my werkswinkel netjies, skoon en reg te hou. Ek maak seker my spanmaats is opgelei in veiligheid asook in noodhulp. Op dié manier kan ek verseker dat ons op standaard is met die huidige industriestandaarde. Deur opleiding te gee en toe te pas wat geleer word, handhaaf ons ’n baie hoë standaard om enige beserings aan diens te vermy.
Ek werk nou saam met al my motorwerktuigkundiges en van tyd tot tyd werk ons ook saam in die werkwinkel. Selfs op herstelwerk wanneer ’n vragmotor langs die pad gaan staan het. In die vyf jaar wat ek by die FAW Group-motorvoertuigvervaardigers werksaam is, het ek gehelp dat drie vakleerlinge opleiding kry in die motorindustrie en is hulle al drie is nou gekwalifiseerd.
Meer inligting:
Ek is al deel van die motorindustrie sedert 1987 en was werksaam as ’n vakleerling by SA Trucking wat nou bekend staan as Cart Blanche Marketing. Ek het vir 12 jaar by Tyco International, OEM gewerk waar ons internasionale vragmotors gebou het.
Ek het ook by Imperial vir ’n verdere ses jaar gewerk, en was in verskeie afdelings ’n werkwinkelbestuurder. Daarna het ek vir vyf jaar by Value Logistics as 'n werkwinkelbestuurder gewerk, en tans werk ek by die Faw Group-voertuigvervaardigers ook as ’n werkwinkelbestuurder.
Ons hou daaglikse kort vergaderings waarin ons gesels oor veiligheid in die werkwinkel en ons maak seker dat dit in die praktyk toegepas word. Ons werkwinkel het onlangs ’n gemiddeld van 95% in ons jaarlikse veiligheidsinspeksie behaal, dit het ons na nommer twee in die land opgeskuif.
Ons bestuur ’n uiters effektiewe en produktiewe werkwinkel met ’n aansienlike wins afgesien van die hoë vereiste rondom die winssyfer. Deur as ’n span saam te werk word die daaglikse werksaamhede streng, maar regverdig hanteer. Spanwerk, deeglike kontrole, effektiewe tydbestuur en ’n positiewe houding gaan baie ver. Ons streef daarna om ’n passie te hê vir dit wat ons doen, om daagliks ’n verskil te maak, te groei en ’n toekoms te bou saam met ons mense.
Ek werk tans as ’n werkwinkelbestuurder by die FAW Group-motorvoertuigvervaardigers, in die motorindustrie en ek woon in Marlands, Germiston.
Sonja Munro is al n hele klompie jare by Oosthuizen Marais en Pretorius Prokureurs as ontvangsdame.
Sy het intussen ons maatskappy se beeld op sosiale en ander publieke platforms as deel van die Pathsohaney groep ontsettend bevorder and ons beeld as prokureurs firma in Mosselbaai ontsettende hoogtes laat in skiet.
Ons is so trots op haar en dankbaar vir al die harde werk wat sy op media platforms vir ons beteken.
Sy vedien n nominasie op nasionale vlak.
My naam is Piet Viviers, ek is al vir 24 jaar in die ambagsbedryf. Ek is getroud, ek het twee kinders. Ek het vier rooiseëls, en was in Amerika en Lafayette vir Caterpillar-enjinopleiding by hul sentrum. Ek was die beste in Caterpillar-komponentsertifisering in Suid-Afrika. Ek het ’n groot liefde vir geel masjiene. Ek is lief vir die see, dis waar ek ontspan.
Meer inligting:
Ek werk tans as ’n tegniese spesialis, outo-elektrisiën, hoë-spanningselektrisiën en dieselwerktuigkundige. Ek woon in Postmasburg in die Noord-Kaap, en werk tans by Barloworld Equipment (Caterpillar) by die Kathu-depot.
Ek is al 24 jaar in my beroep. Ek het vier rooiseëls; motorwerktuigkundige, dieselwerktuigkundige, outo-elektrisiën, asook hoë-spanningselektrisiën. Ek het baie ondervinding in vragmotors, motorvoertuie en grondverskuiwingsmasjiene. Ek doen tans werk as ’n tegniese ontleder en doen foutopsporing op masjiene in die veld. Ek het oor die jare by Volkswagen, Black Rock, Assmang, Aveng Moolmans, en nou by Caterpillar ondervinding op gedoen. Ek het ’n passie vir hidrouliese en elektriese foutspanning.
Ek is al amper 20 jaar ’n gekwalifiseerd elektrisiën met ’n bedradingslisensie. Ek het hard gewerk om te kom waar ek vandag is, en ek is trots daarop. Hoofsaaklik fokus ek in my besigheid op kwaliteit en daarna op diens. Ek glo as die kwaliteit goed is, spreek jou werk vanself, en mense praat. Daar is vir my niks erger, as ’n ongekwalifiseerde ambagsman wat ander ambagsmanne se brood uit hulle monde neem deur dienspryse te ondersny of kortpaaie te vat nie. Hulle is gevaarlik vir ander mense, en veroorsaak ook gevaarlike situasies as gevolg van die substandaard werk wat hulle doen.
Meer inligting:
Ek is tans ’n direkteur by VoltAu en werk as ’n elektrisiën. Ek woon in George in die Wes-Kaap.
Meeste van my inligting en doelwitte is op my webblad beskikbaar, asook foto’s van projekte wat ek onlangs voltooi het.
Ek het twee klein kindertjies. My seun, Bismarck, is vyf en my dogter, Danica, is een. Ek het ’n baie ondersteunende vrou, Natalie, sy hou alles bymekaar.
Omdat ek opleiding sowel as ervaring in soveel verskillende velde het; hidroulies, meganies, elektries, lugdruksisteme, outo-elektries, PLC en pas-en-draai, is my daaglikse uitdagings nooit eentonig nie. My ervaring as “expat”, tien jaar lank in Afrika het my geleer om planne te maak, en om masjiene weer aan die werk te kry met min, of geen parte.
Meer inligting:
Ek werk tans as ’n tegnikus in die mynindustrie by Bulk Mining Explosives (BME), Wes-Afrika, en ek woon in Jeffreysbaai.
Ek is al reeds 12 jaar in die vakmanbedryf. Ek het sommer dadelik na skool ingespring. Ek het al aan alles gewerk, vanaf ’n motorvoertuig, vragmotors, mynmasjiene, motorfietse en nog vele meer. ’n Mens hou nooit op met leer nie, juis omdat daar soveel handelsmerke is, en elkeen verskil tog in ’n sekere mate.
Meer inligting:
Baie dankie vir die geleentheid. Ek woon in Moreleta Park, Pretoria en werk tans as ’n outo-elektrisiën by Labucon in die siviele ingenieurswese industrie.
Ek is passievol oor my beroep omdat ek baie genot daaruit put, veral wanneer ek ’n nuwe ontwerp vervaardig en die eindproduk na die tyd kan sien. Nog ’n pluspunt van my beroep is dat ek as vakleerling die fyner kuns van die ambag kon aanleer. Na 20 jaar is dit nog steeds my passie, en ek sal dit vir niks verruil nie. Ek streef daarna om ander te kan inspireer om goeie ambagsmanne te word, want goeie ambagsmanne word baie skaars.
Meer inligting:
Ek is tans ’n ketelmaker en ek werk vir A-One Mining. Ek werk in die myn- en ingenieurswese industrie en ek woon in Postmasburg in die Noord-Kaap.
Vir my is dit baie bevredigend as ek die knoppie van ’n beheerstelsel druk en dit funksioneer soos beplan – veral spoedbeheer van groot elektriese motors.
Meer inligting:
Ek is tans die instandhoudingsbestuurder by Denel Industrial Properties vir die Denel Dynamics-kampus in Irene.
Ingenieurs bedryf instandhoudingsgeboue en terreine. Ek woon in Faerie Glen in die ooste van Pretoria.
Ek het as elektrisiën begin werk by Kentron 33 jaar gelede, en is daarna bevorder tot voorman in die departement vir elektries en lugreëling. Ek het ’n swart man opgelei en hy het 3 jaar later as volwaardige elektrisiën gekwalifiseer met ’n bedradingslisensie, vaktoets te Olifantsfontein, en ’n rooiseël.
Ek het ook die pos van Instandhoudingsbestuurder beklee, waarna ek geskuif is en as projekbestuurder vir instandhouding begin werk het. Ek het instandhouding en veranderings aan geboue op al Denel se terreine hanteer.
Alle projekte is verlede jaar gestop a.g.v. ’n tekort aan geld en ek is terug geskuif as instandhoudingsbestuurder by Irene; ’n pos wat vakant was. Ek moes toesien dat die elektriese-, siviele-, lugreëlings-, en geboue- en terrein-instandhouding uitgevoer word sowel as toe ek projekte gedoen het. Ek het ook al tydelik diens verrig as verantwoordelike ingenieur vir van die Denel-terreine. Tans rapporteer 12 ambagspersoneel aan my. Ek is gemagtig en aangestel om die 11 kv elektriese hoë-spanningsnetwerk se skakeling en foutopsporing van al die Denel-terreine te hanteer waar nodig.
Om 'n werktuigkundige te wees, benodig ’n spesiale soort mens en nie elkeen is gebou daarvoor nie.
Dit verg laat aande, vroeë oggende en meestal naby aan onmoontlike spertye om die masjiene te laat brul en kliënte gelukkig te hou. Dit is dalk maklik om die werk te doen, maar die verskil tussen ’n goeie en gemiddelde werktuigkundige kom in by die fyner besonderhede en aandag, en dit is ook daar waar jy die verskil vir die kliënt kan maak.
Meer inligting:
Ek is werksaam as werktuigkundige by verskeie landbou-organisasies sedert 2004. Ek is sedert 2016 werksaam by GWK op Hopetown en het my tuiste by John Deere gevind.
Gedurende die eerste finansiële jaar, het ek en my span die totale ure geboek vir die werkswinkel verhoog van 1 007, vir die vorige jaar, tot 1 901 vir die finansiële jaar 2016/03 – 2017/02.
So het ons deurlopend jaar op jaar die ure geboek verhoog, 2017/03-2018/20: 2 060, 2018/03-2019/02: 2 255, 2019/03-2020/02: 2 569. 2020/03-2021/02: 2 882.
Ons is ’n klein span: myself, my vakman hulp en gewoonlik ’n vakleerling.
Ons het suksesvol deurgedring tot die top-50 in die John Deere Sub-Saharan Technician of the year-kompetisie in 2020 en hoop om vanjaar verder te vorder.
My kliënte kom altyd eerste, want sonder hulle het ek nie brood op my tafel nie en ek sal alles in my vermoë doen om seker te maak hulle masjiene is reg en hulle is tevrede met die masjien, asook met my diens.
Ek het meeste van my opleiding deur John Deere gedoen. Ek het al van 1988 met John Deere gewerk en het ook 10 jaar vir John Deere gewerk.
In die 10 jaar wat ek vir John Deere, Sub Sahara Afrika gewerk het, het ek vir ongeveer 9 en ’n half jaar vir die werktuigkundiges van die John Deere-handelaars in Thailand, Indië, Brasilië, Suid-Afrika, Zambië, Tanzanië, Ethiopië, Kenia, Nigerië en Swaziland produkopleiding op John Deeres gegee, op die volgende produkte:
Meer inligting:
Ek het opleiding in die VSA, Brasilië, Duitsland , Frankryk en Thailand ontvang. Ek het 3 jaar lank vir meer as 80 Nigeriese trekkeroperateurs opleiding gegee in Nigerië in hoe om 'n trekker te ry en ook om in die lande te werk. Ek het ook vir die handelaar se 17 tegnikuste in Nigerië produkopleiding gegee.
Ek is nou vir die laaste 2 jaar 'n tegniese adviseur by SENWES met 4 takke waarna ek kyk nl. Wesselsbron, Lichtenburg, Ventersdorp en Hartbeesfontein.
Dit voel baie aardig om so van jou self te praat.
Baie dankie.
Ek is ’n gekwalifiseer dieselwerktuigkundige en spesialiseer in grondverskuiwings, en het al sowat 12 jaar ondervinding. Ek het my ambag gedoen deur Aveng Grinaker-LTA. Daarna het ek vir ’n paar jaar vir Group Five gewerk totdat hulle met afleggings begin het. Na dit ek het vir ’n paar jaar by Isuzu Trucks gewerk, waar ek weer die geleentheid gekry het om meer met vragmotors te werk. Ek is lief vir ’n uitdaging en ek hou daarvan om ’n dieselwerktuigkundige te wees. Dit is vir my lekker, omdat ek daagliks met my hande werk en omdat ek buite die boks moet dink om probleme op te los. Ek kry ook die kans om verskillende mense te ontmoet en te help; elke dag is anders.
Meer inligting:
Tans woon ek in Kempton Park. Ek werk as ’n vurkhysertegnikus in die motor- en vervoerindustrie by BHBW, ’n onderafdeling van Barloworld.
Dankie dat ek deel kan wees van hierdie voorreg.
Ek is nou al 15 jaar in my ambag en dit was nie vir my maklik om hier uit te kom nie. Ek kom van niks, en uit ’n familie wat baie swaargekry het. Ek moes in standerd agt uit die skool uit gaan, want daar was niemand wat my skoolgeld kon betaal nie. Ek het egter nooit opgegee nie, ek het gewag en gebid vir my kans. Toe kry ek die voorreg in 2005 om vir Atlas Copco as ’n vakleerling te begin werk. Ek het vir myself gesê; hier is my kans. Ek het nog altyd my heel beste gegee, en vandag is ek waarnemende projekbestuurder op ’n Rio Tinto-myn buite Suid-Afrika. Baie mense kyk op na my omdat ek vir lank vreeslik gesukkel het met die masjiene, om die ervaring op te bou waaroor ek nou beskik.
Meer inligting:
Ek is op die oomblik ’n tegniese adviseur sowel as ’n 2IC projekbestuurder. Ek werk in die myn- en ingenieurswese industrie, en ek woon in Randfontein.
Ek is nou al 15 jaar in my ambag en ek is nie een dag spyt nie. Dit is asof dit bedoel was vir my. Ek is goed met dit wat ek doen, ek is goed in my werk en ek het ook ’n goeie naam vir myself buite Suid-Afrika gemaak veral met dit wat ek op die masjiene kan doen. Ek is op my gelukkigste wanneer ek ’n masjien kan gaan regmaak; iets wat ander nie kan regkry nie. Op ’n manier is dit vir my ’n troos, en dit maak my gelukkig om iets te kan doen wat nie baie mense kan sê hulle kan doen nie. Ek voel ook werklik trots daarop dat ek mense buite Suid-Afrika kan oplei wat dit regtig waardeer.
Anton se werk en beroep was sy lewe. Hulle het hom Yster op die myn genoem. Niks van sy werk het hom die skrik op die lyf gejaag nie, hy was ook nie bang vir werk nie. As daar iets gebreek het was hy die eerste een om die werk te gaan doen.
Meer inligting:
Anton Coetzer is my man van 37 jaar, en ek ken hom al meer as 42 jaar lank. Hy het op Harmony-goudmyn gewerk tot en met 2013. Hy werk nie meer nie as gevolg van die fratsongeluk waarvan ek in die twee vorige e-posse vertel het. Harmony-goudmyn het hom gehuisves (“ge-board”) na sy ongeluk in 2013. Anton het by Harmony-goudmyn as ’n “charge hand” en aflos-voorman gewerk, sowel as 'n ketelmaker vanaf 1980 tot en met 2013. Hy was die enigste broodwinner gewees en ons het net een kind, ’n dogter. Ons het in 1999 my biologiese suster se drie dogters, ons niggies na haar afsterwe in ons huis ingeneem, want sy was baie siek met maagkanker. Hy was nog steeds na al die jare van een kind na vier kinders die enigste broodwinner.
Ons eie dogter het aan die Universiteit van Potchefstroom gaan studeer vir ’n maatskaplike werker. Sy het ’n honneursgraad so wel as ’n meestersgraad in Maatskaplike werk, waarvoor haar pa, as die enigste broodwinner betaal het. Die ander drie kinders het nadat hulle klaar was met skool, hulle eie lewens gaan lei.
Anton het na sy ongeluk stadig maar seker tot ’n mate herstel waarna hy op Janneman Saayman se plaas in Virginia gaan werk het. Hy het vir ongeveer vier jaar as ’n gewone ketelmaker gewerk, en hy het stalle, krale en store gebou asook drade reggetrek. Hy het ’n ploeg gebou waarmee hulle landerye van 12 rye kon ploeg. Anton het vir die einste boer ’n saaimasjien gebou waarmee hy grond kon vasrol terwyl hy plant. Hy het ook vir die DBV-Virginia ’n speelterrein vir katte uit hout en staal gebou. Dit is natuurlik die DBV se trots, almal bewonder die hawelose katte se speelterrein. 🤩
Hy het palissades en elektriese hekke vir ’n hele klomp mense hier in Virginia gebou. Anton het ook lemmetjiesdraad om mense se erwe gespan, met een hand. Op ’n manier kon hy met sy verlamde hand ook werk. Ek wens ek kon die foto’s hier wys, want dit was sy trots. Ongelukkig het sy foon weggeraak, en ons kon nog nie weer vir hom ’n foon koop nie as gevolg van ons gebrek aan finansies. Janneman Saayman het nou Kanada toe verhuis en hy verhuur sy plaas tans aan iemand anders uit. Anton het ’n hele klomp afdakke asook ons eie afdak, en ons klein seuntjies se bedjies self gebou na sy ongeluk. Omdat hy blind is en sy hand misvormd is, werk hy nou nie meer nie. Dit is as gevolg van epilepsie en nege beroertes na sy fratsongeluk op die myn. Dít is sy storie al vir nege jaar lank.
Ek hoop, glo en vertrou dat hy ’n Ysterman-toekenning verdien. Dit sal vir hom ’n besonderse groot eer wees, juis omdat sy werk sy lewe en passie was. Ek heg ’n collage van foto’s hierby aan.
As julle die foto by die see mooi vergroot (“in zoom”) sal julle sy misvormde nekwerwels, wat opgebou is met staalpenne en boute sien. Hy moes drie lewensnoodsaaklike operasies ondergaan net om weer sy ledemate te kon gebruik en normaal te kon funksioneer.
Baie dankie vir die voorreg om in die tweede ronde te kon kwalifiseer.
Anton Coetzer se trotse vrou.
Paddy het 6 jaar terug by ons aansoek gedoen as Admin dame nadat sy afgeleg is na 22jaar diens by Metropolitan Life as ‘n forensiese ondersoek beampte. Sy het binne 3 maande ons kantoor aan die gang gekry, al die Admin Staf georganiseer in die regte poste waar hul sterk punte was.
Sy het beheer gevat van die konsultante se aktiwiteite, beplanning, terugvoer tov besigheid en klientediens verantwoordlikhede oor geneem. Verder het sy ook my assistent verpligtinge op geneem om my by te staan as hoof van die afdeling. Ons het haar toe as kantoor bestuuder aangestel.
Haar toegewydheid, terugvoer en vermoee om probleme op te Los is ongelooflik en beslis n groot aanwins vir ons maatskappy, ons diensverskaffers en kliente. Ons het selfs kliente wat nie met die konsultante wil werk, maar eerder met Paddy Wil werk. Haar passie, sympatie en empatie met van ons kliente waar sy besoek gaan aflê en die nodig morele en geestelike bystand gee aan familie en vriende is ongelooflik en dit is beslis, “beyond the call of duty”. Ten spyte van die afsterwe van haar man 3 maande terug. Sy is ook n steun pilaar vir die jonger Staf tov raad en advies. Verder haar liefde vir diere waar sy al die straat katte in haar omgewing aangeneem het en versorg.
Paddy is ‘n geskenk van God en sy verdien om genomineer te word vir die toekenning omdat dit van n ander instansie Kom sodat sy Kan sien ons waardeer wat sy doen want ons deel dit gereeld met haar. Dit is ook n bewys van omgee, waardering, respek en liefde vir haar nederigheid, opregtheid en egtheid. Dit sal ook goed wees vir haar na al die maande se stryd met haar siek man gedurende Covid en ons hoop dat dit ‘n teken sal wees Dat ons haar opreg waardeer.
Ek hoop Dat die aanbeveling ernstig aandag sal geniet. Met voorbaat dank.
Shané is altyd vriendelik en altyd bereid om vir jou die ekstra myl te stap. Haar glimlag laat enige donker wolk verdwyn. Sy skep orde in enige deurmekaar juffrou se admin en gemoed.
Sy het ‘n oplossing vir elke probleem. Sy is ‘n raakvatter. Shané het ‘n omgee hart en jy sal sommer ‘n briefie en ‘n koffiestokkie in jou posbus kry op ‘n “afdag”. Sy helder ons kantoor en ons skool op.
Sy is ‘n kind van God. Sonder haar sal Anton van Wouw Pre-primêr nie dieselfde wees nie. Ons is almal baie lief vir haar.
Jessica het ongelooflike deursettingsvermoeë gewys gedurende die Covid epidemie. Sy het voorgegaan met haar werk en voortdurend positief gebly selfs in tye wat ons nie geweet het of die maatsmalpy sal oorleef nie. Jessica verdien ‘n dankie na ‘n jaar van hel! Sy het by ons maatskappy aangebly selfs al kon ons nie waarborg dat ons nie sal moet afskaffings op ‘n stadium doen nie.
Jessica werk al 4 jaar bly GM recruiting – sy het bg ons besig as ‘n onsekere jong meisie en het gegroei tot ‘n ongelooflike waardevolle spanlid – iemand waarsonder ons nie sou wil wees nie! Jessica is altyd geduldig met kliente (selfs in die moeilkste tye en omstandighede) en maak altyd seker dat alle kliente weet wat om te verwag van die internasionale werwings proses. Jessica is vir ons veel meer as net n administratiewe persoon – sy is die hart van ons kantoor.
In enige werk is daar Baie verwagtinge. As n Ma van 4 kinders werk ek ongeveer 11 ure n dag en sommige naweke. Klientediens is uiters belangrik en so ook jou Familie.
Ek is n tyd juggler en Gooi my 100% in elke vasset van my lewe. Hulpvaardigheid en ondersteuning is my sterk punte en natuurlik om altyd professioneel te wees.
Bowenal hou ek ook van uitdagings en tree as ‘n spreker ook op en doen voice over werk. Die dae is soms te kort maar ek waardig dankbaar vir al die geleenthede.
Susan is vir my “the employee of the century”. Sy het nie net die kantooradministrasie vinnig in plek gekry na verskeie persone wat droog gemaak het nie, sy kom ook uitstekend met die direkteure oor die weg. Met lockdown het sy die besigheid as essensieel geregistreer toe ons daaroor gewonder het en ons vinnig weer aan die gang gekry. Sy het elke dag die TERS-UIF gedoen totdat die werkers geld gekry het. Sy het ‘n betaalatelsel ontwerp wat beter as SAGE en PAYDAY vir uurliks betaalde werknemers werk.
Susan is ‘n ligstraaltjie wat almal opbeur. Ten spyte van haar eie smarte in die lewe, het sy deernis met ander. As ‘n leêr benodig word, kan sy dadelik haar hande daarop lê. Sy kan verskeie operasiolene aspekte hanteer en het nie gehuiwer om te help om ‘n hek se dekoratiewe hek se goue verf op te verf nie. Ek beskou haar as ‘n staatmaker, kreatief, hardwerkend, ‘n baanbreker en vindingryk. En partykeer bring sy vir ons lekker beskuit!
Reinette is ‘n harwerkende administratiewe klerk in die Suid Afrikaanse Polisie Diens met hoë waardes en standaarde. Sy glo daarin dat ‘n ding moet of reg of weg wees. Sy is ‘n perfeksionis in haar werk en gaan altyd die ekstra myl.
Sy is ‘n kundige in haar veld van werk en met 36 jaar diens in die polisie is sy beslis ‘n aanhouer! Sy maak altyd tyd om na ander mense te luister en help graag waar sy kan. Haar hande staan vir niks stil nie en word soms nie erken vir haar harde werk innovering en vaardighede nie.
Sy verdien beslis ‘n toekenning en die erkenning sal haar beslis soos ‘n ster laat voel!
Sjoe ek dink nie eintlik daar bestaan woorde om Lydia Kraamwinkel se aanwins tot die samelewing en kantoorblok te beskryf nie. Miskien SUPERSENSASIONEEL… Tannie Lydia werk al meer as 38 jaar by LS Kameeldrift, sy het in 2016 afgetree, maar is verlede jaar gevra om terug te kom vir 6 maande, die 6 maande is vandag 1jaar en 4 maande later. Sy tree wel aan die einde van die jaar definitief af, sê sy. Tannie Lydia is ‘n aangename mens en gee aan die werksplek kalmte. Sy het goeie verhoudinge met almal.
Daar is nie ‘n mens met wie sy nie oor die weg kom of wat nie die hoogste respek vir haar het nie. Haar werk is gevul met buitengewone kwaliteit. Sy doen haar werk self, sy stuur nie ander rond om vir haar iets te doen nie, selfs al het sy meer as die reg om so voort te doen. Sy stel ‘n voorbeeld vir ons elkeen en handhaaf haarself altyd proffessioneel, hoewel sy nooit te besig is om te glimlag of om ‘n kollega te help nie. Sy word kinderlik opgewonde oor ander se suksesse.
Waar het haar loopbaan begin: Tannie Lydia het haar loopbaan by Yskor begin as ‘n gewone admin dame, tikwerk ens., maar sy is binne ‘n paar maande opgetrek om PA werk vir ongeveer 5 grootbase te doen, waar sy hul lewens vergemaklik het met haar uitnemende vermoë om te beplan en organiseer. Tannie Lydia is nederig tsv al haar loopbaan en lewenssuksesse…ek hoop werklik dat jul die voorreg het om haar te kan ontmoet.
Sy is ‘n holisties suksesvol, nie net is sy die finansiële administrateur van ‘n skool wat uit sy nate bars nie, maar sy is ook ‘n dogter(haar ma vir wie sy tot einde verlede jaar na omgesien het voor haar ma oorlede is), ‘n Vrou en self ‘n besonderse ma en ouma wat haar kinders en kleinkinders ondersteun, sussie en ‘n vriendin. Sy staan kollegas ook in hul persoonlike lewens by en vra nooit iets inruil daarvoor nie.
Sy is enige omstandighede se droom…sy leer vinnig hoe werk ‘n nuwe tegnologiese toestel en kla nie een oomblik daaroor nie, om die waarheid te sê ek het haar nog nie een dag hoor kla oor enigiets nie.
Sy is ongetwyfeld een van God se gunsteling kunswerke en ek is seker as Hy na haar kyk sit Hy terug met ‘n glimlag van tevredenheid. Lydia Kraamwinkel is meer as net die kantoorkampioen, SY IS ‘N KANTOORLEGENDE!!!
Sy (20) is regtig iemand wat uit haar pad uit gaan vir haar werk en al is sy op verlof kom werk sy. As sy eksamen skryf dan kom sy dadelik terug kantoor toe as sy klaar is. Sy werk elke vakansie en hanteer die hele korttermyn afdeling self en is rerig ‘n puik werker en mede werker. Sy vat nooit haar ete nie en help almal as hulle vra.
Sy is rerig n inspirasie vir my. Sy is tot jonger as ek (22) en sy het my al so baie geleer en sy het my geondersteun deur alles en bly positief. Sy is ook basies haar baas se PA en help hom graag as hy iets vra en sal nooit nee se as jy iets van haar vra nie.
Sy is altyd op haar pos en kliente is Mal oor haar want sy sort probleme vinnig uit en sy se altyd vir hulle geluk as hulle kinders presteer, of as iemand swanger is sy is rerig n betrokke werker en het ‘n hart van goud.
Hierdie dame werk dag en nag om te vereker als verloop goed vir die dag van more in Mnr van Zyl se besigheidslewe!! Maak nie saak of dit n naweek of vakansiedag is nie sy versker dat The Franchise Co se bestuur span altyd voorbereid en stiptelik is. Sy verdien net die beste
Anita het in ‘n baie moeilike tyd (2020) oorgevat by die skool se finansies na die skielike afsterwe van haar voorganger. Sy moes dadelik inspring en oorvat en terwyl die beheerliggaam en skoolbestuur moes fokus op logistieke nagemerries van skoolheropening, het Anita by finansies die leisels gevat en doodeenvoudig haar werk gedoen asof sy al jare saam met die skool werk.
Verslae was gereed en kon ons enige iets vra en sy was en bly ywerig om te help. Ten spyte van die groot verantwoordelikheid van haar werk en groot druk, doen sy haar werk effektief en vriendelik. Ek hoop sy kan die toekenning kry want hoe sê mens genoeg dankie?
Ek dink Susan verdien on die KANTOORKAMPIOEN te wees. Sy is doelgerig, sy kan onder hoë druk werk sonder om te blik of bloos. Sy werk goed in ‘n span maar, sy staan nie terug om die skool kantoor vrou alleen te beman nie.
Sy staan die maklik die skoene van die ander personeel vol en skrik nie vir harde werk nie. Susan gee altyd 110%. Sy is baie dae die gom wat ons almal by mekaar hou. Sy verdien elke bietjie bederf en eer.
Reana is ‘n motiverende self gedrewe admin persoon. Sy hanteer beheer en doen die hele Mafersgroep se admin en boekhouding.
Sy is nederig hardwerkend lojaal en liefdevol teenoor kollegas. Sy sal instaan in enige pos wanneer nodig. Geen pos is vir haar minderwaardig nie. Sy verdien die toekenning
Louisa het in 2019 ‘n skuldinvorderings maatskappy begin en uitgebrei na kantoor bestuurder van mediese praktyke. Haar ongelooflike passie vir haar werk met baie deursettingsvermoë en lang werksure maak en etiese profesionaliteit maak haar die beste administateur.
Aangesien sy nog jeug is stel sy jeug aan en doen indiens opleiding en is sy tans besig om te studeer in besigheidsbestuur. Sy sou graag haar besigheid wou uitbrei maar finansieël is dit tans nie moontlik nie.
This lady is the, Admin /Finance clerk at the SAVF Vanderbijlpark Shelter for the homeless people. She works extremely hard to make things happen, and never complains. She always goes the extra mile, even though she cannot be paid for overtime, she goes in on weekends to catch up on work. She is extremely nice and friendly to her co-workers, as well as the tenants.
It is very difficult to keep everyone happy, and keep them all warm and fed, with the little bit of funds to utilize, yet somehow she gets it done. I believe that it is her proud heart that let’s her stand up above the rest. Commitment and dedication makes her special.
Sy is een amazing Tannie, sy is uistekend met haar werk, en organiseering is verseker haar ding. Sy doen al die teater besprekings vir 4 dokters, narkotiseer besprekings, mediesefonds goedkeuring en intussen hanteer sy ook van die dokters se persoonlike sake.
Sy is saggeaard, dra elke pasient se belange op haar hart, en is altyd bereid om een stapie verder te gaan. Sy behandel elke pasient soos goud, dis susters by Unitas is mal oor haar werk etiket en gasvryheid sy verdien die toekenning meer as enige iemand wat ek ken.
Sy het reg deur Covid Lockdown gewerk om seker te maak almal word steeds gehelp vir ongevalle situasies. Die beste admin, Ma, Ouma en vriendin wat iemand voor kon vra.
Angelique is een van daardie soort mense wat ‘n mens onmiddellik mis as sy nie daar is nie. Vriendelik, behulpsaam, vinnige probleemoplossing – met ‘n smile!
Positief, entoesiasties. Altyd reg vir ‘n uitdaging. Diplomaties, lojaal en uiters aanpasbaar en professioneel. ‘n Hele skatkis.
Hierdie vrou is n absolute yster. Daar is geen uitdaging te groot vir haar nie. Sy hou die skool se hartklop aan die gang en ons sal beslis nie funksioneer as sy die dag sou weg gaan nie. Sy is n boffin met n rekenaar en kreatief soos geen ander nie.
Rachelle is n uitblinker in haar werk. Sy lewer uitstaande klientediens en het stringe aanprysings hiervoor ontvang. Sy loop die ekstra myl vir lede/ kliente. Sy is n inspirasie vir haar kollegas. Sy ondersteun haar kollegas wanner hul vasbrand of n krissis ervaar. Sy is toeganklik vir kollegas en kliente/lede. Sy respekteur almal wie saam met haar werk veral ook bestuurders in haar werksomgewing. Sy het n pragtige positiewe gesindheid wat baie motiverend is en die spandinamika bevorder.
Sy is uiters professioneel Sy het baie goeie vaardighede spesifiek verhoudingbestuur, mondelikse en skriftelike kommunikasie Sy pak ekstra take aan en is innoverend om idees voor te stel om werk meer effektief te doen. Sy praat nie net nie, sy doen! Sy is baie aanpasbaar en kan met gewone ambagswerkers en met bestuurshoofde kommunikeer Kliente / lede is so dankbaar vir Rachelle se hulp!
As eisebeampte is sy baie effektief en suksesvol. Miljoene se vergoeding by die verskillende vergoedingsfondse is met haar professionele dienslewering vir kliente/lede beding. Sy behartig ook persoonlike assistent dienste en doen dit ook met onderskeiding Sy word ten sterkste aanbeveel as kantoorkampioen vir 2021.
Lize is die grootste aanwins wat ons het by ons tak.Sy sal gewoonlik eerste by kantoor wees en laaste die kantoor verlaat.Sy streef altyd om haar werk na die beste van haar vermoë te doen en sal altyd kom vra is daar nie nog iets waarmee sy kan help.Sy is regtig my regterhand op kantoor en ek weet nie wat ek sonder haar sou kon doen.
Al is haar dogtertjie siek is sy so dedicated dat sy met siek kind en al toegemaak in haar kantoor nog steeds seker maak sy op haar pos en doen haar werk al word daar vir haar gese gaan huis toe.Sy seker gemaak sy haarself met al die nodige kursusse gekwalifiseer om sodoende nog beter in haar werk te wees.Ek is baie trots op die dame
Irma is n dame wat altyd vriendelik en bedagsaam is. Sy werk met vele besigheidsverskaffers, kontrakteurs en het 30+ mense wat onder haar werk. Daagliks inspireer sy haar werkers en behandel hul met die grootste respek. Sy werk ook met publiek en winkel huurders, en as ‘n werknemer van Langeberg Mall in Mosselbaai dra sy publiek en winkel huurders op die hande.
Dan praat ek nie eens van haar groot hart nie, sy het gereël dat werklose mense hul car guards kan wees wat elk nou inkomstes verdien en elke dag sal sy individuel elkeen groet vir die laaste 2 jaar wat sy deel is van die mall. Sy het ‘n passie vir haar werk, en tyd is ‘n bysaak, altyd daar om probleme met ‘n glimlag op te los.
‘n Ware staatmaker en wat haar werk se naam met trots adverteer en ook na ure is sy passie vol om mense te help.
Sy het haar eie besigheid gegroei slegs op woord verspreiding en het baie sukses behaal daar deur, baie kliente bel haar daagliks vir besigheids raad wat slegs deur ondervinding gekry kan word, die hoeveelheid mense wat sy al gehelp het met werkskepping en opleiding is asemrowend en sy is al op amper aftree en is nog steeds die eerste een op kantoor en die laaste een om te loop elke liewe dag, nog nooit iemand gesien wat 30+ jaar so hard kan werk sonder stop nie en nogsteeds elke dag smile. Sy is regtig iemand wat ek opkyk na
She is a consummate professional in all of her administrative duties and then goes above and beyond our expectations to support our team, our customers and our mission. One of Nominees key accomplishments recently has been to manage our best practice learning sessions. She is there to plan and coordinate the sessions that are presented by a host of international team members.
This is not part of her job description, but she offered to help as she found the topics interesting. In addition, our team has undergone many organizational changes over the past few years. It has been hard. NOMINEE volunteered for the task to help facilitate improvement in overall culture and mood. From team meetings and offsite team building
Geen taak is te groot of te klein vir haar nie. Selfs al gaan sy deur moeilike tye is sy die een waarop almal kan staat maak en sy help altyd waar sy kan.
Sy is die moeder, beste vriendin en hartklop van ons kantoor. Sonder haar lojaliteit en harde werk sou ons skool (Laerskool Generaal Nicolaas Smit) baie slegter af gewees het.
Ek wil Petra Delport nomineer, sy is n sterk vrou, uitstekend met mense en sy is altyd bereid om die extra myl vir enige iemand te stap, sy Ry publieke taxi werk toe elke Dag, vir die 3 jaar wat sy by Glass specifics werk, sy is n enkel werkende mamma wat Regtig Hard werk om na haar Kinders om te sien ek dink sy verdien ‘n regveverdige breuk in haar Lewe
Me. Brits is ‘n ongelooflike belangrike deel van Die Hoërskool Wonderboom.
Alhoewel haar posbeskrywing die van data-sekretaresse is, is sy veel meer: binne die uitdagings van Covid-19 is sy registrateur van elke leerder se siekwees en probleme.
Sy is kenner van die adminstelsel, kalmeerder as personeelgemoedere hoog loop en terwyl haar kollega ‘n skielike nekoperasie moes ontvang, het sy haar kantoor geskuif, eenvoudig die werk ook oorgeneem (al moet sy na ure werk) en so die skool bly dien.
Me. Brits lag altyd, maak grappies, bemoedig en bring nie net professionaliteit na die kantoor nie, maar ook ‘n menslikheid wat leerders en personeel veilig laat voel.
Die Wonnies is bevoorreg om so iemand by ons skool te hê!
Ek nomineer graag Ingrid Eifler-Swanepoel. Sy is die hartklop van Laerskool Doringkloof Primary. Haar hart is opreg. Sy is pragtig met die ouers en so besorgd oor die leerders.
Haar toegewydheid teenoor die skool, haar werk en haar kollegas. As jy draai is Ingrid daar. Elke persoon is belangrik vir haar. Ouers is baie lief vir tannie ingrid en so ook die kinders wat na die kantoor tannie toe gaan.
Sy was my mentor toe ek daar begin het. Met of sonder so ‘n toekenning bly sy die hartklop van Dories. Sy is geliefd deur so baie mense.
Sy is n raakvatter al vir baie jare by Doringkloof.
Deidre Burger is n enkellopende moeder wat die bestuur oorgeneem het van Cheshire Homes Summerstrand in Port Elizabeth. Deidre het geen bepaalde werksure nie. Sy sal 24/7 , elke dag van die jaar werk om seker te maak dat die belange van 54 inwoners van genoemde plek versorg word.
Cheshire Homes is n versorgings eenheid vir Pasiente wat serebraal verlam, gesigs gestrem, bedlêend en rystoel gebonde is. Hierdie selfgemotiveerende dame bestuur hier tehuis wat jou asem wegslaan.
Van elke pasiente versorger, tot skoonmaker, kantoordames, tuinwerkers, hanteer sy met die grootste respek en altyd n glimlag.
Sy het enorme energie en doen fondsinsameling op enige moontlike manier. Sy is ook n marathon drawwer wat nie sal skroom om 4 uur in die oggend te gaan hardloop om betyds 6 uur by die te huis te wees nie.
Daar is geen bepaalde tye in Deidre se lewe nie, buiten om betyds te wees vir elke vergadering en om almal se belange eerste te stel nie.
Sy organiseer opgradeering vir die tehuis op n konstante basis van higiëne tot boorgatwater tot sonpanele en pragtige tuine. Sy volg elke protokol en hanteering van die Covid met uiterste professionele reëls en het geen gevalle van siek inwoners nie.
Deidre, dra elke inwoner se belange op die hart en is regtig n wonderlike mens van formaat. *Sy is die spreekwoordelike “Superwoman”
Sanet het ‘n absolute passie vir ons industrie, en gee elke dag haar 110% in elke aspek van haar possisie. Met ongeveer 14 jaar se ondervinding onder die knie in die Afslaer Industrie, haar besonderse mensekennis, uitspattige persoonlikheid en haar beplanning- en organiseringsvermoë, het Sanet ons “go-to person” geword. Sy is ‘n steunpilaar vir ons maatskappy, en sy word hoogs waardeer.
Elke persoon wie vir Sanet leer ken, leer iemand ken wat opreg is. Sy is ‘n pligsgetroue kantoor bestuurder, en sy doen altyd die regte ding, al is dit soms nie lekker nie. Sanet skroom nie vir laat werk nie, en sy dink altyd flink en vinnig op haar voete, aan oplossings, planne en maniere om elke unieke saak volstoom aan te pak, en die beste moontlike resultate te kry. As iets gedoen moet word, is Sanet alklaar besig daarmee.
Sy wen die respek en vertroue van al haar kollegas en kliente, weens haar vriendelike gesindheid, uithouvermoë en professionaliteit. Sy is ons kantoor se hartklop, sy is volhartik ons Kantoorkampioen.
Ek is 55 jaar getroud en het 2 dogters, tans albei op universiteit. Ek het my opleiding by J G Strijdom-hospitaal gedoen en werk die afgelope 30 jaar by Zuid-Afrikaans Hospitaal in die teater.
Ek, Jacobus Johannes Smit (Kosie) is op 17 Maart 1962 op Despatch gebore. Ek matrikuleer in 1979 aan Hoërskool Despatch. Ek het in 1983 my Hoër Onderwysdiploma aan die Onderwyserskollege Wellington verwerf. Ná twee jaar in die weermag, begin my onderwysloopbaan op 1 Januarie 1986 by Hoërskool Despatch, my alma mater. My droom was om eendag my Skeinat-onderwyser, mnr. De Jager, se pos te beklee en om my liefde vir Skeinat aan die leerlinge oor te dra. In 1996 het ek ‘n Verdere Diploma in Onderwys (VDO) in Lewensopvoeding voltooi, en is van 2000 tot 2019 graadhoof. Ek het in 2018 ‘n departementshoof geword. Tans is ek die enigste Fisiese Wetenskappe-onderwyser vir graad 10 tot 12, asook vir Wiskundige Geletterdheid vir graad 10 tot 12. Ek stel ook my FW-leerders bloot aan MINTEK-vasvrakompetisies, Waterwerkkompetisies, Brugboukompetisies, asook die STEMLAB by NMMU. Ek bied ook vir al my FW-leerders ekstra klasse aan na skool om die sillabus met meer gemak te voltooi. Tydens 2020 se grendeltyd het die STEMLAB my genader om hulle te help om FW-lesse te vertaal en vir aanlyn video’s aan te bied. In hierdie tyd het ek ook geleer watter wonderlike hulpmiddel ZOOM-klasse is. Ek is ook sedert 1997 betrokke by die merk van matriekantwoordstelle en is die laaste paar jaar 'n senior merker. Ek was vanaf 1986 tot en met 2020 ‘n skyfskietafrigter. In 2013 is ek as nasionale SANSSU-afrigter gekies en het ek 'n span na Bisley in Engeland vergesel. Tans bedryf ek die skool se Groenklub.
Ek is sedert 2015 ’n onderwyser by skool by AJ Jacobs primêr. Ek het my passie vir onderwys ontdek toe ek destyds as bemarkingstudent, onverwags ’n aflospos by dié skool aanvaar het. Ek het aanhou studeer terwyl ek skoolgegee het, maar het vinnig besef dat onderwys in my bloed is. Ek het vanjaar met my nagraadse onderwyssertifikaat deur Akademia begin. Tans is ek die departementshoof van Engels asook die hoof van atletiek. Ek rig ook skaak en sokker af en help graag uit by die naskoolsentrum. Wat vir my besonders spesiaal is, is die band wat ek met my leerlinge het. Dit beteken so baie om by ’n kind te hoor jy vul ’n vaderfiguur rol, omrede hy nie een het nie. Of wanneer ’n leerling in die lokasie vir sy familie van sy gunsteling Engelse meneer wat soveel moeite doen om hom te help, gaan vertel. Dit laat jou opnuut besef watter verskil jy werklik maak. Om behoeftige kinders op te hef is vir my baie belangrik. By AJ Jacobs word kinders min aan tegnologie blootgestel, daarom het ek ’n witbord en ’n projektor gekoop sodat ek met my skootrekenaar vir hulle lesse kan aanbied. Hulle geniet die skyfievertonings of taalspeletjies wat ons doen, vreeslik. My leuse is, respekteer my en ek respekteer jou. Doen jou deel en ek gee 100 keer my deel.
Ek is ’n onderwysing in kodering en robotika wat die kurrikulum vir die skool skryf. Ek het ’n passie om kinders na Christus toe te wys as rolmodel vir die lewe en leer. Ek is plat op die aarde en probeer vir die kinders wys dat die klein dinge in die lewe die goed is wat saak maak. Liefde is die nommer een prioriteit in my klas. Liefde, omgee, verdraagsaamheid en dan later die kurrikulum. Ons maak mense groot, nie boeke nie.
Ek is ’n Christen man en pa wat baie groot passie vir ontwikkeling het, in die klas asook op die sportveld. Ek hou skool by Uitsig Primary waar ek gr.-4 Natuurwetenskap en Tegnologie asook gr.-7 Sosiale Wetenskap aanbied. Ek was die sporthoof, rugby-, atletiek-, en sokkerorganiseerder van 2017 tot 2020 gewees (voor Covid-19), vanaf 2022 sal ek net die rugby-organiseerder wees asook ’n afrigter vir atletiek, bulletjie rugby, eerstespan rugby, sokker en mini sokker. Ek het ’n Gevorderde Diploma in Sportbestuur, ’n nagraadse sertifikaat in Onderwys en is tans besig om my honneurs in Onderwys te voltooi. Ek het Blou Bulle 7’s rugby gespeel, Blou Bulle Amateurs o/21-rugby, Varsity-beker vir TUT en het nasionale klere in binnenshuise krieket verwerf. Ek geniet my loopbaan ongelooflik baie. My doel is om ten minste een kind elke jaar op ’n positiewe manier te beïnvloed wat hom/haar in die toekoms sal laat uitblink.
Ek gee sedert 2015 onderrig as geregistreerde onderwyser by SARO, en ek is trots om ’n onderwyser by Curro Thatchfield sedert 2015 te wees. Sedert ’n baie jong ouderdom wou ek nog altyd ’n onderwyser wees en ’n verskil in die lewens van ons kinders maak. My droom is in 2015 bewaarheid. Ek is lief vir elke oomblik van my werk; al die uitdagings en die resultate aan die einde van die jaar is baie lonend. Om die helder ogies en opgewondenheid te sien terwyl ek skoolhou vul my hart met vreugde, en om net die trots op ’n kind se gesig te sien wanneer hulle in iets verbeter waarmee hulle gesukkel het, of wanneer hulle ’n persoonlike doelwit bereik, is van onskatbare waarde. As jong kind het ek self gesukkel om te lees en ek het dit my doelwit in die lewe gemaak om leerlinge te beïnvloed en om ’n passie en liefde vir leer en lees aan te moedig. Ek het vanjaar ’n droom gehad om ’n biblioteek by ons skool te kry – nie net ’n biblioteek nie, maar ’n leessentrum waar kinders welkom voel en waar hulle voel hulle wíl lees. Hierdie droom het ’n realiteit geword omdat ek dit my visie en missie gemaak het. Die biblioteek is in Julie voltooi en ons kinders geniet dit so baie. God is my leiding in my klas en in my lewe en ek is geëer dat Hy my met die gawe om skool te kan hou, geseën het.
Van kindsbeen af was dit my droom om 'n juffrou te wees. Ek het my BA-graad en Hoër Onderwysdiploma aan die Universiteit van Pretoria verwerf met Geografie en Sepedi as hoofvakke. Ek is die gelukkige wederhelf van Deon en ons het 'n 21-jarige seun, Michiel. My onderwysloopbaan het in 1997 by die Hoërskool Oos-Moot afgeskop, waarna ek ook by die Hoërskole Waterkloof en Silverton in diens was. Sedert 2001 gee ek onderrig in Toerisme en Geografie by Hoërskool Zwartkop en ek is 'n volbloed Zwarrie! Ek tree ook sedert 2013 as 'n graadhoof op. Die onderwys is absoluut 'n roeping, want dis hier waar ek elke dag my passie as opvoeder ten volle kan uitleef! Ek is baie lief vir kinders en is fyn ingestel op elke individu. My topprioriteite is om liefde uit te deel waar ek kan en 'n verskil in kinders se lewe te maak, al is dit ook hoe klein, maar my grootste doelwit is om so te leef dat ander Christus in my kan sien. Die natuur is my groot liefde en my gunstelingplekke is die bosveld of berge. Ek is baie lief vir nuwe avonture en is 'n kranige drawwer. Oudword vrees ek nie, maar ek is bang ek stagneer en geniet dit om myself gedurig uit te daag. Ek het in 2019, as 45-jarige, vir my eerste Comrades-marathon ingeskryf en dit suksesvol voltooi. My nuutste uitdaging is verdere studie en ek is tans besig met 'n honneursgraad in Opvoedkunde.
Ek is vanjaar 41 jaar en woon tans in Kemptonpark. Ek is getroud met Eugene en het twee kinders, Marco (13) en Mieke (10). Vir die afgelope 19 jaar is ek 'n onderwyseres by Hoërskool Jeugland, waar ek SW, Afrikaans en Geografie onderrig. Vandat ek as sesjarige saam met my maatjies by Laerskool Donkerhoek klippieskool gespeel het, het ek net geweet ek wil 'n juffrou word! Ek het in 1998 aan die Hoërskool Garsfontein gematrikuleer, waarna ek by NKP/TUKS gaan onderwys studeer het. Sport en kultuur het altyd 'n groot deel van my lewe uitgemaak en ek het nog altyd by die slagspreuk “Be the teacher you needed when you were younger” gehou. Soms het leerlinge ander leiding en vorming nodig as wat in 'n kurrikulum opgeskryf staan. My grootste droom is om kinders te inspireer en ook te leer dat hulle altyd moet onthou dat almal eendag hulle volle potensiaal sal bereik as hulle hard werk. Dis vir my 'n groot voorreg om vir 2021 se Onderwyser van die jaar-toekenning genomineer te word.
Ek het vanjaar 60 geword. Ek is getroud met Nico, 'n pastorale sielkundige. Ek het in 1983 begin skoolhou. Vanaf 1985 tot 2006 was ek voltyds 'n mamma vir my vier kinders. Ek gee tans Afrikaans Huistaal. Dit is vir my baie belangrik om leerlinge met respek te behandel en hulle te motiveer om die beste weergawe van hulself te wees. Ek geniet my werk baie, veral die interaksie met die leerlinge. Dis 'n groot voorreg om 'n rol te speel in leerlinge se lewe wat die leiers van môre gaan wees. |
Ek is tans die adjunkhoof by Hoërskool Waterkloof. Ek het in 2008 my BTech-graad in Sportafrigtingsdidaktiek aan die Tshwane Universiteit van Tegnologie voltooi. Daarna het ek my Nagraadse Onderwyssertifikaat, asook my BEd (honneurs) in Onderwysbestuur by Unisa verwerf. Vanaf 2012 tot 2019 was ek aktief betrokke by die afrigting van krieket op provinsiale vlak sowel as by rugby-afrigting op hoërskoolvlak. My passie lê daarin om kinders op te hef, my gemeenskap te dien en ek is ook 'n groot voorstander daarvan om van die onderwyssektor 'n beter omgewing te maak waarin alle betrokke rolspelers optimaal kan funksioneer. Ek is self 'n kranige sportman en 'n gesinsman vir my twee kinders en vrou.
Geloof, geluk en genade. Dit omskryf my hart as onderwyser, die juffrou wat vir leerlinge droom. Ek het grootgeword en skoolgegaan in Orkney, daarna het ek my BEd-graad en NGDIP in Potchefstroom met groot trots as 'n Pukkie verwerf. Ek is tans 'n opregte Pretorianer en glo in my skoolleuse met die wense vir elke Suid-Afrikaanse leerling: Prestasie, Groei, Ontwikkeling. Dit is 'n voorreg om te weet dat ek daagliks lewens kan verander en soveel liefde kan deel. Ek is 'n groot diereliefhebber en spandeer alle ander tyd ná werk saam met my pragtige chihuahuas. Graag haal ek 'n bekende in die onderwysgemeenskap, Magé Troksie, aan: “Lig jou ken en ken jou lig.”
Ek het in 1976 my BSc-graad aan die NWU voltooi met Plant- en Dierkunde as hoofvakke en kwalifiseer in 1977 as Biologie-onderwyser. Ek het my loopbaan in die onderwys in 1978 aan Hoërskool Schoonspruit in Klerksdorp begin. Die daaropvolgende jaar het ek by Hoër Volkskool, Potchefstroom aangesluit. Ek is ná 10 jaar tot departementshoof bevorder. Ek het my studie deeltyds voortgesit en in 1992 my BSc (honneurs) in Dierkunde voltooi. Ek was van 2001 tot 2003 na die Fakulteit Opvoedingswetenskappe gesekondeer, maar het in 2004 weer na Hoër Volkskool teruggekeer as departementshoof waar ek steeds Lewenswetenskappe onderrig. Ek beskik oor 43 jaar se onderrig-ervaring, waarvan 35 jaar onderrig aan matrieks behels het. Ek het deur die loop van my loopbaan vier merietetoekennings vir uitstaande onderrig ontvang. Tussen 2001 en 2008 het ek as eksaminator, hoofnasiener en interne moderator vir Lewenswetenskappe in Noordwes opgetree. Om elke kind as persoon te aanvaar en te motiveer, is vir my die sleutel tot onderrigsukses. Ek vestig daarom onder andere 'n tradisie om elke jaar 'n handgeskrewe kaartjie vir elke matrikulant te skryf waarin ek hom of haar as individu bemoedig en bedank vir sy/haar toewyding. Onderrig in Lewenswetenskappe is meer as die indril van terme en definisies – dit is 'n geleentheid om die grootsheid van God se Skepping uit te lig en vir God 'n ligdraer van liefde en naastediens te wees. Wat ‘n ryke en reuse-voorreg!
In 2014 het ek het my honneursgraad in Drama en Teaterstudies cum laude aan die US verwerf en het my NOS-kwalifikasie in 2015 verwerf. My onderwysloopbaan begin in 2015 by Hoërskool Hugenote in Wellington as Drama-onderwyser. In 2016 het ek by Helpmekaar Kollege as Drama-onderwyser aangesluit, en in 2018 word ek vakhoof vir Dramatiese Kunste. Dié vak spog jaarliks met topresultate binne die IEB en toon elke jaar groei. Ons neem ook elke jaar deel aan die ATKV-Tienertoneelkompetisie en spog jaarliks met insluiting in die finaal. Sedert 2018 skryf ek individuele leerlinge in vir die Nasionale Toneelspelkompetisie en ons leerlinge was nog elke jaar in die top-30. In 2021 het my twee leerlinge die topagt gehaal en die een kandidaat het die kompetisie gewen! My toneelstuk word ingesluit in die topses van die Aardklop Pronkpodium-toneelkompetisie. Skole van reg oor Gauteng asook Noordwes neem in 2021 aan die kompetisie deel. Ek skryf en regisseer die skool se jaarlikse produksie wat al 1 200 leerlinge insluit. In 2020 het ons 'n filmweergawe gemaak wat weens die pandemie by uitgesoekte Ster Kinekor-teaters vertoon is. Twee van my Drama-leerlinge werk onderskeidelik in 2021 aan kortfilms. Ek glo dat elke leerling as individu benader moet word en dat daar nie ‘n kits-metode vir sukses is nie. Die vak bied aan leerlinge 'n ruimte om hulself te wees, asem te skep en net te wees. Dis belangrik om op elke leerling te fokus, en elkeen te ken om voldoende te kan onderrig – elkeen se sterk-en swakpunte te ken.
Die lewe het verskeie draaie met my geloop voor dit my by die onderwys uitgebring het. Ek het myself as ontwerptekenaar bekwaam en toe my ambag as passer en draaier asook wapensmid voltooi. Ek het ook my Nasionale Tegniese Diploma deur Pretoria-Wes Tegniese Kollege verwerf. Ek het my ware loopbaanpad in 1990 begin stap toe ek by die Gautengse Onderwysdepartement begin skoolhou het. Ek het my HOD in Tegnies deur Unisa verwerf. Ek is al vir die laaste 14 jaar 'n onderwyser in Limpopo en is tans 'n IGO-onderwyser by Hoërskool Merensky. Ek is betrokke by die merk van vraestelle en is vir die laaste sewe jaar hoofnasiener vir IGO in Limpopo. Ek is betrokke by die opleiding van IGO-onderwysers en staan hulle by met PAT-opleiding. Ek het ook verskeie kere toekennings ontvang vir uitstekende Gr. 12-uitslae en het verlede jaar ook weer 'n 100%-slaagsyfer behaal. Ek is al as beste IGO-onderwyser in die Mopani-streek aangewys. Ek het 'n groot passie vir sport en rig rugby en atletiek af. Vir ongeveer tien jaar tree ek op provinsiale vlak op as spanbestuurder vir onder andere Limpopo se Cravenweek-span en vir die laaste vier jaar is ek die sekretaris van Limpopo se Blou Bulle-rugbyvereniging. Vroeër jare was ek ook die sekretaris van Gautengse spesiale skole se krieket. Ek was ook verskeie jare lank departementshoof vir tegniese vakke intern en het ook op verskeie skole se skoolbestuurspanne gedien. Ek het ook as verkiesingsbeampte vir skoolbeheerrade asook vir leerlingrade opgetree.
Ek hou al vir 30 jaar lank skool. Ek is passievol lief vir Jesus en vir my graad 1’s. Daar is niks wat ek eerder sal wil doen nie. Ek is getroud met Charles – hy gee my drome vlerke, en dink ek is die beste juffrou ooit! Ek het drie wonderlike kinders, elkeen geseënd in hulle onderskeie beroepe. Wat ’n voorreg om ’n mamma en ’n juffrou te kan wees! Ek leef en werk my droom. Daar is nie een dag wat ek nie met ’n lied in my hart na Louis Leipoldt toe ry nie – ’n lentelied vol opgewonde dankbaarheid in my hart, soos ons skoollied sê. My skool en my klassie is “huis”. Hiermee dan ook ’n groot dankie aan ons hoof, mnr. Pieter Ferreira, my departementshoof, Angelique Coetzee, en graadhoof, Elmarie Swanepoel, vir julle elkeen se uitstekende leiding en passie waarmee julle voorloop. Skoolhou vir graad 1’s is nie aldag maklik nie; daar is soms groot uitdagings, maar ook baie pret, lag en werksbevrediging. Dis hier waar ek my Godgegewe talente en gawes kan uitleef, en waar hartjies en lewens verander word deur groot genade, harde werk, baie liefde en aanmoediging – aanhou probeer en nooit opgee nie. Om onderrig te gee is ’n groot voorreg. Om jaar na jaar die fondasie te vestig, en te sien hoe die kinders groei, is my vreugde en trots. Werk is nie werk wanneer jy doen waarvoor jy passievol lief is nie!
Ek het my graad aan die Universiteit van die Vrystaat verwerf en het daarna my loopbaan in die onderwys in 1988 by Hoërskool Jagersfontein begin. Ná 'n besige ses jaar het die noorde geroep en sluit ek in 1994 by Pro Arte Alphenpark aan. Tussen al die kunste deur en die verskillende denkwyses van verskillende leerlinge word daar kliphard Fisiese Wetenskappe aangebied. In 1999 neem ek deel aan die Fulbright Teacher Exchange Program en vir ‘n jaar het ek Fisika en Chemie by King and Low Heywood Thomas in Stamford Connecticut, VSA gegee. Wat ‘n leerskool! Leerlinge wat elkeen met ‘n skootrekenaar werk, verskillende leerstyle, die uiteenlopendste persoonlikhede – absoluut die moeite werd. Terug in Pretoria het ek tussen Hoërskool Linkside en Doxa Deo gependel en het ek die Departement Fisiese Wetenskappe (Gr. 10 tot 12) by Linkside gestig. Ná die geboorte van my tweelingdogters verhuis ons terug na Pretoria. Ek het by Pretoria High School for Girls aangesluit, en ná 10 jaar se voluit en met oorgawe se skoolhou in die Fisiese Wetenskappe, is ek in 2015 as departementshoof vir Fisiese Wetenskappe by Hoërskool Garsfontein aangestel. Ek het by albei skole robotika geïmplementeer. Geen werk is te hard of te moeilik nie. Die ure wat jy insit om kinders se lewens te verander en verbeter is altyd die moeite werd en kan met geen geld gekoop word nie. Ek is steeds by Garsfontein en ten spyte van al die huidige uitdagings bly die leerlinge steeds die rede waarom ek in die onderwys is.
Ek is reeds 30 jaar lank ‘n passievolle onderwyseres. Ek het my graad aan die Universiteit van die Vrystaat verwerf. Ek begin my loopbaan in 1993 by my alma mater, Panorama Laerskool in Newcastle en is bevoorreg om in vier streke van Suid-Afrika skool te hou. Hokkie, tennis, verspring, koor, spraakgilde en revue is van my ander passies, maar dit is in my klas en vak waar ek my leerlinge se siele wil aanraak. Afrikaans is daarom nie net ‘n taal nie, maar ‘n aktuele vak wat my toelaat om deur gedigte en stories ‘n kans aan elke leerling te gee om sy of haar eie lewensverhaal te skryf en om hulle passie in die lewe te ontdek en voluit daarvoor te leef. Ek is betrokke by die IEB-merksessies en verbreed ook so my lewensuitkyk op die onderwys. Ek verweef graag my ander belangstellings soos reis, dans en tuinmaak in my klasgee en vermy nie die werklikheid nie. Sekuriteit, liefde en dissipline gee vrede en sonskyn in die klas. My leuse is: “Wees genadig in ‘n ongenadige wêreld en sien iemand raak wat niemand raaksien nie. Met tegnologie en Covid-19 sal skoolhou nooit weer dieselfde wees nie, maar voeg net Afrikaans, melktert, biltong, sjokolade, roomys, blatjang, melkkos, braaivleis, familie, hoop, geloof, liefde, vrede en 'n bord goeie Boerekos daarby en die Kaap is Hollands en ek kan vir nog 30 jaar skoolhou. My lewe is gevul met ongelooflike kinders, ouers en kollegas. Ek is geseënd en tevrede met die wonderlikste beroep.
Ek is 'n toegewyde onderwyser wat reeds 23 jaar in die onderwys is. Vanaf my heel eerste keer voor 'n klas was ek verlief op die uitdagings en geleenthede wat die onderwys bied. Mense wat my ken, beskryf my as 'n hoogs bekwame onderwyseres wat met behulp van tegnologie groot sukses met haar leergestremde leerlinge by Nuwe Hoop skool behaal. In die wyse woorde van “Reading and Writing Haven”:”Go the extra mile it’s never crowded,” word ek gesien as iemand wat buite die boks dink en wie se innovasie geen perke het nie. Ek het Unboxed Teaching op die been gebring, 'n onderneming wat bekostigbare leermateriaal van hoë kwaliteit vir ander beskikbaar stel. Ek is diep passievol oor die onderwys en werk hard om op hoogte te bly van nuwe, verreikende onderwysmetodes, konsepte en inisiatiewe deur middel van webinare en massas navorsing. Martina Cahill van “The Hungry Teacher” en Sir Ken Robinson hou my passievol, onselfsugtig en gedrewe. My uitgangspunt is om my leerlinge te prikkel en om leer opwindend te maak sodat hulle sukses kan behaal. My klaskamer, na enige novelle se toneelskikking, is genotvolle ontvlugting vir die leerlinge, veral op 'n Vrydag met “First Chapter Friday”. Jy sal ook nou en dan 'n uitbundige gelag hoor en leerlinge soos een man hoor uitbulder: “because there is method in the madness …” Ek glo dat die sleutel tot ‘n goeie onderwyser is om jou sin vir humor te behou sonder dat jou hamster van die wiel afval.
Ek is gebore Catharina Bekker, maar vanweë my liefde vir gesels is ek vinnig Kriekie gedoop. In Evander, 'n klein dorpie in Mpumalanga, het ek gematrikuleer. Ná skool was ek in C-Kruis en het 'n diensjaar vir Christus gedoen. Een jaar het drie jaar geword. Hierna was my roeping duidelik – ek moes 'n onnie word. Ná vier wonderlike studentejare by TUKS het ek my onderwysdae by Hoërskool Ben Vorster begin. Onder mnr. Piet Swart het ek geleer om 1 000 kinders te laat geesvang, trompoppies af te rig, my eie revue te skryf en het ek Afrikaans op my lessenaar as verhoog leer liefkry. Ná drie jaar het Londen my geroep vir 'n kultuurontdekking om terug te bring SA toe. In 2007 het dr. Louis Swanepoel my by Hoërskool Nelspruit aangestel en wat 'n voorreg was dit om onder hom as hoof te werk! Hy het my vrye teuels gegee om my talente uit te leef. Groentjiekonsert, vandag genoem Gr. 8-konsert, skryf ek al vir die 15de jaar, 14 interhoër-sangskouspele met die hele skool was als ’n voorreg, maar die beste plek is steeds in my klaskamer. Dis hier waar die Here my uit sy genade geplaas het. Daar was goeie en ook 'n paar minder goeie oomblikke, maar die onderwys verruil ek vir niks. Deesdae gee ek ontwerp en my kreatiewe kant kry weer asem. Ek is dankbaar vir die nominasie, maar die kinders se glimlagte as ek grappies maak en as hulle punte beter raak, bly my hoogste prys.
Ek het my onderwyskwalifikasies in 1989 aan die Noordwes-Universiteit (NWU) voltooi. In September 2009 het ek my ACE-sertifikaat met sukses verwerf en in 2012 voltooi ek my sertifikaat in “Advanced Women in Management and Leadership” aan die Besigheidskool van die NWU. My onderwysloopbaan het as 'n aflos-onderwyseres by Fochville Hoërskool begin, waarna ek, ná my huwelik met Colin Clarke in 1992, 'n pos by Edu-College in Pretoria beklee het. Later is ek permanent aangestel by Thuto-Kitso Comprehensive School waar ek graad 12-leerlinge in Lewenswetenskappe onderrig het. Danksy baie ekstra ure, Saterdag- en naskoolse klasse behaal my leerlinge 'n 100%-slaagsyfer. In 2002 het ek 'n pos by Die Wilge Skool aanvaar om nader aan my kinders te wees. Ek is in 2009 tot departementshoof bevorder en in 2013 tot adjunkhoof asook koshuismoeder. Hier leef ek my passie vir kinders behoorlik uit. In moeilike situasies oorweeg ek verskillende sienings, debatteer daaroor –-al verskil ons. Aanpassings op politieke, maatskaplike, kulturele, godsdienstige en persoonlike terrein het my toekomsvisie verander, maar my streng morele waardes en geloof in my Rots, Skepper en Onderhouer was my behoud. Vasbyt en nogmaals vasbyt! Vertroue en samewerking het my geleer om buigsaam maar steeds emosioneel intelligent en geestelik sterk te wees. Met behulp van Solidariteit se SOS-vereniging en SAOU wat verskeie webinare aanbied (Covid-19) bly ek op hoogte van verskillende aspekte van bestuur en leierskap, transformasie, organisering, projekbestuur en spanwerk. Die toekoms is steeds wasig, maar eendag! “Ek is nie volmaak nie, slegs passievol en roepingsbewus!”
Ek het my graad in Onderwys aan die Universiteit van die Vrystaat verwerf. Ek het in 2010 by Hoërskool Wilgerivier in Frankfort begin skoolhou as 'n Ingenieursgrafika en -Ontwerp-onderwyser vir Gr. 10 –12. In 2013 het ek by HTS Sasolburg aangesluit en is steeds deel van die wonderlike span. Ek is departementshoof vir Ingenieursgrafika en -Ontwerp, Tegnologie en tegniese vakke. Ek is betrokke by die dagbestuur van die skool en ek is die personeelverteenwoordiger in die beheerliggaam van die skool. Ek is die koshuisvader en is aktief betrokke by die afrigting van atletiek, rugby en krieket. In my spaartyd geniet ek dit om te braai asook om rugby en gholf te speel. Ek het nooit vir 'n oomblik twyfel in my hart gehad dat ek 'n onderwyser wil wees nie, dit is my roeping. Duisende leerlinge gaan deur die loop van 'n loopbaan deur ons hande en ek poog om waarde toe te voeg tot elke leerling se lewe wat by ons skool inskryf. Maar soos wat ek 'n verantwoordelikheid teenoor ons leerlinge het, het ek ook 'n verantwoordelikheid teenoor my kollegas om 'n omgewing te help skep waarin hulle kan ontwikkel tot die beste moontlike onderwyser of onderwyseres wat hulle kan wees. Die onderwys is nie 'n maklike beroep om in te staan nie, maar my werk is elke dag vir my lekker, nie altyd die hele dag nie, maar elke dag. Sal ons wankel voor die storm van die dag? Nimmer nee!
Ek is 'n gebore onderwyseres. My groot liefdes is my liewe Heer en die natuur. Dit is ongelooflik dat ek dit kan uitleef in my klaskamer deur die aanbieding van my groot passie, Aardrykskunde. Ek vind waarde in familietyd en is versot op my kleine Yorkie-hond, Lienke. Al is ek in onderwys, is ek 'n persoon van min woorde met 'n ongelooflike liefde vir lees! Ander se woorde inspireer, gee moed en verbreed kennis. Ek sal graag op my oudag meer wil reis, veral na dele in en om Suid-Afrika wat ek nog nie gesien het nie.
Ek is 'n 24-jarige Christen wat as 'n Lewenswetenskappe-onderwyser by Hoërskool Centurion werk. Ek is lief vir die natuur, vir tieners, vir avonture saam met geliefdes, asook vir sokkie en foto- en videografie. Ek waardeer kwaliteittyd met my gesin en my kêrel. Ek sien myself as iemand met 'n humorsin en as 'n leier. Ek is ernstig wanneer nodig, maar geniet dit om vrolik te wees en ander te laat glimlag. Ek glo vas dat 'n mens die verskil moet wees wat jy in die wêreld wil sien.
Psigo-opvoedkundige Ondersteuning verwerf. Ek wil my kennis gebruik om 'n verskil in kinders se lewens te maak.
Ek het my prakties in 2006 by die Hoër Tegniese Skool Pretoria-Tuine voltooi. Dit was ook tydens die tydperk wat ek my liefde vir die leerlinge van dié skool en die gemeenskap gekry het. In 2007 is ek aangestel as Afrikaansonderwyser en ná 15 jaar is ek steeds trots om te kan sê ek is deel van die HTS Pretoria-Tuine se familie. Ek is bevoorreg genoeg om elke dag my passie te kan uitleef en by my kinders te kan leer. Ek is hoofsaaklik betrokke by leierskap en kultuur, maar ondersteun graag die kinders op die sportveld omdat ek glo dat 'n leerling in geheel ontwikkel moet word en nie net akademies nie. Ek help graag met ekstra klasse waar dit nodig is en is altyd bereid om die ekstra myl vir die leerlinge te loop. Ek is interne departementshoof vir Afr., SW, EBW en RTT en is betrokke by die distriksmoderering sodat ek myself op professionele vlak kan ontwikkel sodat ek 'n beter onderwyser vir my kinders kan wees. Ek moedig my leerlinge aan om in alle omstandighede in hulleself te glo, want enige iets is moontlik deur geloof en harde werk en ek is daar om vir hulle die nodige ondersteuning te bied. Ek het in 2018 my honneursgraad in
Psigo-opvoedkundige Ondersteuning verwerf. Ek wil my kennis gebruik om 'n verskil in kinders se lewens te maak.
Ek glo dat mens voluit moet lewe en die lewe geniet. Ek wil graag 'n inspirasie wees en verseker dat die beste uit elke leerling ontgin word. Geloof, hoop, harde werk, passie, integriteit en respek is my fondasie. My benadering tot onderrig is uniek en holisties. My doelwit is om elke leerling se karakter te ontwikkel sodat hulle almal hul volle potensiaal kan bereik en aanhou droom!
Wanneer jy ’n lewe van dankbaarheid met empatie vir ander kan leef, is jy ’n gebore onderwyser! Van kleintyd af was ek gemotiveerd om ’n onderwyseres te word. Tydens my eerste proefperiode het ek besef dat onderwys die een plek is waar ek al die talente wat God vir my gegee het, kan gebruik en uitleef. Na amper 14 jaar in die onderwys is ek nie een dag spyt oor my loopbaankeuse nie. Op sport, kultuur en akademiese gebied kan ek my passie uitleef en van diens wees tot die leerlinge in my klas en my kollegas op die personeelraad. As ek een kind se lewe op ’n sinvolle wyse kan aanraak, is onderwys die moeite werd. As onderwyseres is ek betrokke by vele buitemuurse aktiwiteite en geniet ek dit om aktief deel van my gemeenskap te wees. Ek is getroud met ’n wonderlike man wat ook ’n onderwyser is. Dit is kosbaar om ons passie vir kinders en die onderwys te kan deel en uit te leef. As trotse ouers van twee jong seuns, geniet ons dit om verskeie interessante dinge saam te doen, soos sportskiet, jag, visvang, en deesdae sommer familie golf ook. As koshuisma met ’n hart vir elke kind, is dit ’n eer om die rol van ouerskap ook hier te behartig. Dit bly ’n voorreg om gelukkig in jou beroep te wees en ek het die boerpot geslaan. My leuse in die onderwys: Ek wil die son vang en lig neem na waar daar donkerte is.
Eerste plek:
1. Kantoorpraktisynsgilde-beurs ter waarde van R50 000 om by Akademia te studeer.
2. Naweek by Owl Spot in Dinokeng-natuurreservaat vir 6 persone ter waarde van R6 000.
Tweede plek:
S-leer-geskenkbewys ter waarde van R2 500
Derde plek:
Gilde-geskenkpak ter waarde van R1 000
Dirk Hermann is die Bestuurshoof van Solidariteit en van die Solidariteit Beweging. Hy is die skrywer van verskeie boeke, waaronder twee wat oor regstellende aksie handel. Sy doktorsgraad het dan ook oor regstellende aksie gehandel en sy stryd teen die regering se rassebeleid kom al 'n lang pad. Hy het al voorheen voor die Verenigde Nasies se Komitee vir die Uitskakeling van Rassediskriminasie (CERD) verskyn en het groot sukses behaal. Hy is behoorlik toegerus vir die komende Europese toer en is reg om die regering in die buiteland aan te kla en om die wêreld bewus te maak van rasvergrype, sistemiese korrupsie en swak staatsbestuur in die land.
Ek is 54 jaar oud en vir 36 jaar al ’n verpleegster. Ek is getroud en het 2 volwasse seuns. Ek het in 1984 gematrikuleer waarna ek by die Wes-Transvaalse verpleegkollege my opleiding gedoen het. In 1988 het ek algemene verpleegkunde en verloskunde voltooi. Ek het in 1993 ’n diploma in Gemeenskapsgesondheid verpleegkunde gedoen en 2013 ’n BA-graad met Verpleegonderwys en administrasie (cum laude) voltooi. Ek het in dié jare by Klerksdorp se hospitaal gewerk. Ek het vyf jaar by Sanpark Alkohol en dwelm rehabilitasiesentrum gewerk. Ek het ook twee jaar in ’n psigiatriese afdeling gewerk. Tien jaar van my loopbaan het ek vir Life Anncron Hospitaal gewerk. Ek werk tans by Wilmedpark privaat hospitaal en is die eenheidsbestuurder van ’n saal vir 8 jaar. Vir die laaste 16 maande funksioneer my saal as ’n Covid-saal en het ek die grootste uitdaging van my loopbaan ervaar. Ek is ’n vriendelike geduldige persoon met goeie menseverhoudings. Ek is lief vir mense en het baie empatie. Ek probeer myself altyd in ander se skoene sit. Ek is ’n goeie verpleegster, hardwerkend en ’n goeie saalbestuurder wat opreg lief is vir my pasiënte en personeel. Ek is hardwerkend en lojaal. Ek het goeie vaardighede soos om proaktief te wees en is goed met probleemoplossing. Ek ontspan graag deur te kamp saam met my familie. My stokperdjies is hekel, Bybelkuns en “craft” werk. Ek is bevoorreg om genomineer te wees vir die toekenning, terwyl ek elke dag regtig net my beste as verpleegster gee.
Ek is ’n baie spontane persoon, en wil altyd mense gelukkig maak. Ek hou daarvan om mense om my spesiaal te laat voel en ook te laat voel dat hulle altyd welkom in my teenwoordigheid is. Ek sal altyd help waar ek kan, hetsy by die werk of in my sosiale lewe. Ek plaas altyd mense se behoeftes voor my eie, want ek glo dat daar behoeftes is wat groter is as myne. Ek is mal oor my werk en my pasiënte en personeel, en maak altyd seker dat hulle tuis voel en gemaklik is om my. Veral as ek prosedures saam met die dokters doen wil ek hê hulle moet gemaklik wees en glad nie op hulle senuwees wees nie. Ek hou hulle hande vas gedurende die Covid-tyd. Ek het drukkies uitgedeel wanneer hulle emosioneel was as hulle vir CT-scans gekom het, want ek weet hoe Covid met ’n mens se kop smokkel. Van die pasiënte het vir 21 dae in die hospitaal gelê sonder een besoek van geliefdes en ek het probeer om daai leemte met omgee en liefde vul. Maar my werk stop nie by die werk nie. Na-ure weet al my vriendinne en vriende van my, en ons ken baie mense. Al is dit drie uur die oggend weet hulle hulle kan my bel ek sal gaan help waar ek kan. Ek het ons vriende se hande op hulle sterfbeddens gaan vashou en hulle hare gewas, want ek voel almal moet met “dignity” sterf. My deur is altyd oop vir raad en so ook my ore en my selfoon lyn.
Ek beskou myself as ’n lojale persoon. Ek is ’n omgee-mens in murg en been. Ek sien my pasiënte as familie veral tydens die Covid-pandemie. Omdat ons so baie van onsself vir ons beroep gee is dit soms moeilik om oor jouself te praat. Ek sien my as ’n belangrike skakel in my span. Ek is die persoon met wie hulle kan kom praat, hetsy werk verwant, of privaat sake. Ek gebruik geleenthede om myself te ontwikkel asook om my kennis met almal wat saam met my werk te deel. Ek is vanjaar 21 jaar getroud en het twee pragtige seuns van 20- en 15- jaar oud. Hulle is my fondasie in hierdie moeilike tyd. Omdat ek glo in ontwikkeling is ek ook in my afdae betrokke by afrigting van Diskus by ons skool, KHS. Die atlete maak weer die beker vol wat met die pandemie leegloop. My passie is mense, of hulle nou siek of gesond is. Ek is ’n “giver” en soos met my werk is dit goed omdat ons kan gee sonder om iets terug te verwag. My moeder is ook ’n RN en haar stories het al haar dogters geïnspireer om die beroep te kies. Baie pasiënte gaan deur ons versorgende hande en daar is niks so vervullend as om iemand te kan huis toe stuur om nog “memories” saam met hulle families te maak nie. God is lewe en Hy maak my ’n lig in die donker tye wat ons probeer omsingel.
Ek is Charmaine Venter Belmer, ’n ou hand in verpleging. Bang vir niks “afterall” in ons tyd het ons “strikes” oorleef in “nursing” ingespring en met alles gehelp. Ek is eenkeer afgedank omdat ek baklei het vir die swart “nurses” se salarisse. Gee my ’n uitdaging en ek doen dit. By Zuid-Afrikaans het ek weer ’n hospitaal gekry waar ek myself kon uitleef, en toe kom Covid. Ek het vinnig besef dis ’n oorlog waarvoor min van ons opgewasse is. Ek het net gedoen wat ek altyd doen – ingespring en geleer en gehelp. Ek het baie gesien, baie beleef en baie trane gestort. Ek het baie skuldgevoelens oor hoe ek nie plek in ons hospitaal gehad het om sterwendes op te neem nie. Ek het baie gehuil as pasiënte alleen moes sterf, en as daardie lykstrollies daar deur die gange gaan. Ek stort nou nog trane in die aande. My grootste vrees was om ook ’n geliefde aan Covid te verloor. Gelukkig is my familie nou ingeënt en ek weet nie hoe ons as verpleegkundiges ooit weer heel sal wees hierna nie. Net geloof, gebede en liefde van ons families sal ons hierdeur kry. Of so glo ek. Ek moet so glo, want my familie het genoeg gely deur saam met my deur my wroegings te gaan.
Eenmaal ’n verpleegkundige, altyd ’n verpleegkundige. Dit is hoe ek myself opsom. Ek is Riana Hellerle (neé Botha), gebore in Pretoria op 12 April 1967, die oudste van vyf kinders. Ek het swaar groot geword, en moes jare van mishandeling deur ’n nabye persoon oorleef. My droom was altyd om ’n onderwyser te word, totdat ek genooi was om in my graad 11 jaar gedurende die Julie-vakansie ’n “verpleegondervinding” by die HF Verwoerd-hospitaal vir twee weke by te woon. Ons is soos regte verpleegsters in Huis Betsie Verwoerd ingeboek, uniforms verskaf en so het ’n hele nuwe droom begin. Ek het nooit weer teruggekyk of ooit een enkele dag spyt gehad dat ek verpleging gekies het nie. My eerste ware liefde en my oudste broer is op dieselfde dag in ’n motorongeluk oorlede toe ek in my tweede jaar besig was met eindeksamens. Ek wou daardie dag opskop, maar my geliefdes het my aangemoedig om aan te gaan. As ek nou terugkyk besef ek dat verpleging ook my lewe gered het. Ek is al 31 jaar in Newcastle, KwaZulu-Natal werksaam en al skree ek nog kliphard vir die Blou Bulle is ek nou ’n “Piesangboertjie” van hart, het my twee wonderlike kinders hier grootgemaak en werk al langer as 17 jaar by Mediclinic Newcastle Hospitaal. My pasiënte is die middelpunt van my bestaan by die werk. Hulle omgewing, veiligheid, higiëne, pynbeheer, emosionele welvaart en herstel is my grootste mikpunt. Soms is dit moeilik, maar altyd bevredigend.
My ma vertel altyd ek het van kleins af my poppe “versorg” as hulle “siek” was. Ek reken verpleging is in my bloed, want ek kan my nie voorstel dat ek ’n ander beroep sal beoefen nie. Ek het in 1996 my B.Cur.-graad aan die Universiteit van Pretoria (Cum Laude) verwerf. Twintig jaar gelede toe dit nog ’n redelike nuwe konsep in Suid-Afrika was het ek besluit om in wondversorging te spesialiseer en ek doen dit nog steeds. Ek het intussen verskeie nagraadse kwalifikasies verwerf onder andere ’n Meestersgraad in Verpleging en ’n Internasionale MSc in “Skin integrity and Wound Management”. Ek is tans besig met my PhD. My passie is om die standaard van wondversorging in Suid-Afrika te verbeter en sodoende meer mense te help wat sukkel met chroniese wonde, want ons het ’n groot behoefte aan beter sorg vir ons mense. Ek dien op verskeie internasionale rade en is tans die president van die Wound Healing Association of Southern Africa (WHASA). Ons organisasie het reeds uitgebrei tot so ver as Mauritius en Uganda. Vir my is ons land en ons mense kosbaar en ek is trots Suid-Afrikaans en trots op my beroep. Nou met die Covid-pandemie was dit vir my ’n voorreg om steeds mense te kon help.
Ek het die verpleeg beroep in 2003 betree. Ek werk nou in my tiende jaar by Mediclinic. Ek het ’n ongelooflike groot passie om mense te help en jong verpleegsters te lei om te groei tot beter verpleegsters.
Ek het die Covid-eenheid by Kloof Mediclinic begin en vir net meer as ’n jaar bestuur. Ek was so bang vir die nuwe gogga gewees, maar het met die ondersteuning van my man, familie en kollegas die virus aangepak en baie nuwe dinge op ’n daaglikse basis geleer.
Party dae het ons gejuig wanneer ons pasiënte gesond huis toe gestuur het en ander dae het ek weer gehuil, want ek het iemand se laaste oomblikke saam met hulle spandeer.
My man het Desember 2020 positief vir Covid-19 getoets en is 24 Januarie 2021 oorlede na ’n verbete en verwoestende geveg.
As dit nie vir verpleging en my fantastiese span kollegas, bestuurspan, familie, vriende en oud-pasiënte was nie sou ek dit nie gemaak het nie. Ek het twee weke na Gideon se dood teruggekom werk toe, want ek het gevoel dat ek veilig is by die werk en het soveel liefde om te gee. Ons het ook soveel spanning by die werk a.g.v. die verpleegtekort dat die beste plek vir my was om by die werk te wees en soveel moontlik mense te help en te ondersteun.
Ek kan myself nie as enige iets anders as ’n verpleegster indink nie.
“Sister Alta” is so deel van my identiteit soos melktert vir ’n Afrikaner.
Ek het ’n ongelooflike liefde vir my werk en ek weet ek sal in die beroep wees tot ek eendag my kop neerlê.
Op 19 het ek nie geweet watter rigting my lewe sou inslaan nie. My ma is in my matriekjaar oorlede en het ek reeds effense kennis van tuisversorging gedra. Dis toe dat ek besluit het dat verpleging wel my roeping is. As ek dit vir my eie ma kon doen, hoekom kan ek dit dan nie vir ander mense ook doen nie?
Op 19 beland ek in Witbank, en begin met my verplegingsopleiding. So beweeg ek deur al die fases van my kursus en teorie word die verlengingslegkaart van praktiese toepassings. Vinnig leer ek dat bemoediging oor ’n afstand omskakel in persoonlike empatie en simpatie. Ek is ’n omgee-mens; ’n Gods-mens. Trauma en al sy ongenaakbare fasette is my lewe. Dis trane afvee van klein gesiggies en dieselfde van grootmense.
Hierdie pandemie het my gewys, hoe God my oë kom open het, om verder te kan sien, met mense te kan praat en hulle te bemoedig. Ons ou normaal, het verander in die heengaan van geliefdes, om hartseer en oor ’n afstand totsiens te moet sê. Ek verpleeg, maar ek raak mense se lewens aan en staan in hulle voordeure om hulle meer detail te kom gee en net vas te hou. Ek gee van myself sodat mense ’n bietjie sonskyn kan ervaar.
Ek kyk vandag terug op 28 jaar van verpleging. Dis my roeping. Dis waar ek wil wees. Die gange van die hospitaal het my huis geword. Dis waar ek elke dag iets bykomends leer. Die mooiste lewensles wat my bybly, is die genade en wil van God, wat hier geskied. Elke hospitaalbed het die moontlikheid van genesing of ewige lewe.
Hier is ek Here, gebruik my.
Noodverpleegkundige
Eenheidsbestuurder
Henriëtte Harris
Ek is Suréta Schulz, ’n geregistreerde verpleegkundige wat al vir die afgelope 15 jaar my eie privaat verpleegpraktyk het. Ek het my opleiding by VKOVS in Bloemfontein ontvang. Ek is 29 jaar lank getroud met Chris Schulz. Ons het twee dogters Rozanne (25) en Chantelle (23). In my praktyk spesialiseer ek in die algemene gesondheid van elke persoon (“body, mind & soul”) deur persone as ’n spesiale individu raak te sien, te respekteer en te behandel. As Christen glo ek dat God Sy liefde deur my vir my pasiënte openbaar en die Heilige Gees lei my elke dag om die regte besluite te neem en om die regte behandelings toe te dien. My beloning elke dag is die oproepe en boodskappe van dankbaarheid wanneer iemand beter voel, gesonder is en weer kans sien vir die uitdagings van die lewe. My passie is om elke dag my eed wat ek as verpleegkunde afgelê het uit te leef deur enige iemand te help deur na sy/haar behoeftes te luister en dit aan te spreek. My passie is ook my lewenstyl en dit verskaf my baie plesier. Ek geniet die daaglikse kontak, omgang en versorging van my pasiënte. Ek is lief vir my gesin, diere, die buitelewe en kamp graag, lees baie, stap en ry fiets wanneer ek die geleentheid kry. Dankie vir die voorreg van nominasies vir hierdie eervolle toekenning. Ek beskou dit as ’n voorreg en ’n eer. Dit help my om beskeie en Godvresend my werk te geniet.
Anton Van der Bijl is die Hoof van Regsdienste by Solidariteit. Anton, saam met sy regspan het dié wêreldklasklag saamgestel. Anton was vir die afgelope paar jaar daarvoor verantwoordelik dat Solidariteit al die internasionale asook plaaslike prosesse volg sodat die klag aan CERD se vereistes voldoen. Anton hanteer alle gesprekke met CERD asook met die Internasionale Arbeidsorganisasie (ILO) en gaan ten tyde van die toer die massaklag persoonlik aan CERD en die ILO oorhandig.
Jaco Kleynhans is die Hoof van Internasionale Skakeling vir die Solidariteit Beweging. Hy is verantwoordelik vir die bevordering van die Beweging se internasionale skakelstrategie deur met filiale van die Beweging saam te werk om 'n breë netwerk van kontakte en ondersteuners in soveel as moontlik lande te ontwikkel. Dit sluit in politieke, ekonomiese, akademiese en ander skakeling. Dit is vir die Solidariteit Beweging belangrik om, waar nodig, deur buitelandse skakeling druk op die Suid-Afrikaanse regering te plaas en die buiteland deeglik in te lig oor gebeure in Suid-Afrika, om die Afrikaner se netwerk van ondersteuning in die buiteland uit te brei, projekte tussen gemeenskappe te bevorder en fondse in die buiteland te werf. Jaco is die organiseerder van die Europese toer en is verantwoordelik vir die samestelling van die program, die koördinering van ons boodskap sowel as al die logistieke reëlings en aspekte van die kommunikasie.
Ek is al vir agtien jaar ’n juffrou vir kinders in die grondslagfase. Ek is gelukkig getroud met twee kinders. Ek is doelgerig, eerlik en streef daarna om elke dag net my beste te gee en ’n verskil in iemand se lewe te maak. Dit vul my hart met vreugde om te beleef hoe kinders in die klaskamer, op die sportveld en tot op die verhoog ontwikkel. In die onderwys is daar “never a dull moment”. Van ’n ontdekkingsoomblik, ’n ernstige opmerking, ’n grappie of ’n werkstuk. In die kinders se oë lees jy ’n verhaal. As ek in elkeen se verhaal een goeie sin kan skryf, het ek die verskil gemaak wat ek so graag wil. Dit is ook my voorreg om aan onderwysstudente by ons skool te help vorm. Hierdie jong onderwysers is ons toekoms en ek sien uit om saam met hulle nog ’n groot verskil te maak. My netwerk is my kollegas. As ’n span is ’n mens sterker en kan jy elke kind tot sy of haar volle potensiaal ontwikkel. My passie om kinders te ontwikkel is nie net beperk tot die klaskamer nie. Dit is net so belangrik om op emosionele, sosiale, sport- en kulturele gebied die kinders geleentheid te gee om te ontwikkel. My passie was nog altyd om ’n verskil te maak en ek kan dit uitleef in my roeping as juffrou. “Choose a job you love, and you will never have to work a day in your life.” – Confucius
Ek is ’n laerskoolonderwyseres en gee klas vir graad 2’s. My passie is kinders, omgee, liefde en soveel meer. Ek wil ’n verskil maak en voel in my hart dat om ’n onderwyser te wees my in staat stel om dit daagliks te doen. Ek glo dat as jy doen waarvoor jy lief is, maak jy ’n groot verskil in baie se lewens. Jy besef dit dalk nie altyd nie, maar jou sagte stem, jou lag en toeganklikheid maak dalk net daai eensame kind in jou klas se dag. Ek dink deur die tye het ons so baie bereik met kinders, en ek voel dat ons werklik uit ons pad gaan om hulle toekoms beter te maak. Ek wil al my liefde en omgee, aan elke kind in my klas gee. Ek wil hê hulle moet soos sponsies wees en als opsuig wat ek hulle leer. Ek dink nie jy kies die beroep as onderwyser nie, die beroep kies jou.
Wat ek die meeste van my kinderjare onthou is dat ek van kleins af skool-skool gespeel het. Juffrou-wees het soos bloed deur my are gevloei. Ek is nou ’n mamma van vier kinders en ’n graad-R juffrou by Laerskool Tzaneen. In 2005 het ek my eerste graad as ’n hoërskoolonderwyseres in Natuurwetenskappe voltooi, maar later het ek my groot liefde vir grondslagfase ontdek, en my kwalifikasie daarin verwerf. My pa het altyd gesê ’n plek van ’n onderwyser is in die hart van ’n kind en dit het ek met hierdie klein lyfies ontdek. Hulle vra so min en gee so baie. Ek wil daai juffrou wees wat leerders vir altyd sal onthou, en wat vir hulle kinders eendag sal vertel van die juffrou wat ’n plek in hulle harte het. Behalwe dat ek lewe vir my klas is my ander passie om my mede-personeel opgewonde te maak oor die onderwys. Ek probeer deur my posisie as graadhoof hulle te lei om altyd nuwe dinge te probeer, om nooit op te gee nie en altyd die beste te wees wat jy kan. My visie vir myself is om ’n spesialis te wees op die gebied van skoolgereedheid aan die einde van my onderwysloopbaan en ander juffrouens op te lei om ons klein lyfies ten volle te ontwikkel om hulle potensiaal te kan bereik. Ek glo om ’n suksesvolle onderwysstelsel in SA te hê, moet ons as onderwysers begin om ons wysheid in mekaar te begin belê. |
Ek het in 1985 my hoër-onderwysdiploma in Junior Primêr aan die onderwyserskollege, Paarl, verwerf. In 1986 het ek as plaasmeisie my onderwysloopbaan by die Laerskool Eversdal begin. Ek het so baie geleer, onder andere om elke dag jou heel beste gegee – vir die leerlinge, vir die gemeenskap, vir jou kollegas en skool. Ek het baie veranderinge in die onderwysstelsel beleef, ondermeer die gebruik van tegnologie. Ek moes myself deurlopend met menigte rekenaar- en onderrigkursusse bemagtig om te verseker dat ek my leerlinge die beste onderrig bied. Ek streef daagliks daarna om ’n ware rolmodel vir leerlinge, mede-personeel en ouers te wees. Vir ongeveer twaalf jaar was ek die graadhoof van graadeen. Vir die laaste drie jaar is ek vakhoof van Wiskunde in die grondslagfase en vanaf die begin van 2021 waarnemende departementshoof en kurrikulumhoof in die grondslagfase. Dit bly my strewe om die take na die beste van my vermoë uit te voer en so my bydrae tot die onderwysprofessie van uitstaande gehalte te maak. Na 35 jaar bly dit steeds die lekkerste om daagliks met ouers se kosbaarste besittings te werk, om hierdie klein mensies te ontvang en van hulle leerlinge te maak wat kan lees, skryf en reken. “Wow”, dit is einde van elke jaar net ’n vreugde en trots om hierdie leerders oor te gee aan hulle volgende juffrou, maar met ’n baie seer hart, want vir 12 maande was elkeen van hulle myne, elk met ’n baie spesiale plekkie in my hart.
“Tien klein hasies, kom sit in ’n kring. Bring julle boekies en laat ons sing. Maak julle bekkies wawyd oop, sing vir my so soet soos stroop.” So sing ons op ’n Vrydagmiddag in die graad 1 Hasieklas by Laerskool Skuilkrans terwyl ons besig is met kuns. Ek het reeds vroeg in my lewe besluit om ’n onderwyser te word (my poppe kan daarvan getuig). Om ’n onderwyser te wees is meer as net stories lees, tel, somme maak en woorde bou. Jy maak elke jaar jou hart oop vir ’n nuwe groep hasies, wat jy moet leer. Die vorige jaar se hasies is nooit vergete, want hulle onthou jou tot in lengte van dae. Die nuwe groep hasies kruip sommer vinnig diep in jou hart in en kom verryk jou dag met verskeie faktore en stories. Dit terwyl die ou legendariese hasies nog steeds kom groet en jou styf vas druk wanneer hulle ’n kans kry. Ek glo as graad 1-juffrou is ek verantwoordelik vir die fondasie van elke kind se skoolloopbaan, asook sy/haar verhouding met die “groot skool”. Hoe ons vandag die vak hanteer bepaal hoe die kind in die toekoms oor die vak gaan voel, want ’n onderwyser is iemand wat jou help om probleme op te los. Die beste leermeesters is hulle wat jou wys waar om te kyk, maar nie vir jou vertel wat jy moet sien nie. Mag al my hasies altyd onthou hoe ek hulle laat voel het.
Ek is al 31 jaar lank ’n onderwyser by Laerskool Hermanstad. Ek het 4 jaar by Pretoria Onderwyskollege studeer asook ’n 2 jaar verdere Onderwysdiploma verwerf terwyl ek skoolgehou het. Onderwys is beslis nie vir sussies nie! So wat maak dit vir my nog steeds lekker? As my Wiskunde-leerlinge dit as hulle gunsteling vak beskryf omdat ek moeite doen en dit verduidelik totdat dit maklik raak. Die “aww” van die kinders as die klok lui aan die einde van my periode, maak enige dag die moeite werd. As ’n moeilike gr.-7 seun jou alleen voorkeer en sê “Juffrou jy is eintlik oraait, ek ‘like’ jou want jy verstaan my.” Dat ek ’n ma kan vashou wat huil oor haar kind se probleme en ons saam die pad stap om hulp vir haar kind te kry. My hart wat bars van trots as my Revue groep na lang ure se oefening, hulle uitleef en fantasties optree. Die goeie verhoudings met my ouers, want hulle kind word soos my eie; ons is vennote in hulle kind se ontwikkeling. Ons beleef saam sy hoogtepunte en teleurstellings. Om elke dag kinders te help om akademies, sosiaal en kultureel te ontwikkel is ’n groot eer vir my. Ek hou van die gevoel wanneer ’n behoeftige kind, skool as ’n goeie en veilige plek ervaar omdat ek belangstel. Passie volg nadat ’n mens sukses in iets wat jy doen beleef en onderwys is my passie.
