BEL ONS: 012 644 4300
Denel is een van die sukkelende staatsinstellings wat telkemale met reddingsboeie van die regering uit die moeilikheid gehelp is; reddingsboeie wat die belastingbetaler moet finansier.

Na afloop van die onlangse hofsaak waarin Solidariteit die wapenreus Denel gepak het, was die uitspraak in Solidariteit - en ook ons lede en almal wat die saak ondersteun het - se guns. Die hooggeregshof het bevind dat Denel op 'n dringende grondslag sy statutêre verpligtinge teenoor sy werknemers moet nakom. Denel word dus nou deur die hof gedwing om die werkloosheidversekering en belasting wat oor ‘n aantal maande van werknemers se salarisse afgetrek is, oor te betaal.

Hierdie wen is groot en vorm deel uit van Solidariteit se belastingvuis. Dankie vir jou wat hierdie wen moontlik gemaak het. Nou is dit oor na die volgende staatsinstelling waar ons verder nee sê teen belastingplundering. Hou Solidariteit dop en word deel van ons belastingvuishou en die wettige belastingprotes!
Wat gebeur verder:

Mislukte staatsondernemings slurp jaarliks miljarde rande op en steeds belê die staat jou belastinggeld roekeloos in hierdie ondernemings. Daarom het Solidariteit met 'n vyfpunt-belastingvuis vorendag gekom.

Met die SAUK 8-saak het Solidariteit reeds sukses behaal en Hlaudi Motsoeneng betaal steeds af aan die kostebevel teen hom.
Solidariteit gaan Brian Molefe nou privaat laat vervolg nadat die Nasionale Vervolgingsgesag dit van die hand gewys het.
Solidariteit is besig met die voorbereiding van hofstukke om verantwoording van direkteure ingevolge die Maatskappywet te eis.
Solidariteit het reeds ingevolge die Maatskappywet gevra vir ondersoeke en vervolging.
Solidariteit gaan nou voort met 'n aansoek om die SAL in sakeredding te plaas.

Belastingvuishou Blokke | Afrikaans

Registreer / Register

Maak toe / Close