DKD minag grondwethofbevel ná geskiedkundige regstel-uitspraak – Solidariteit

Woensdag, Desember 7th, 2016

 

Die vakbond Solidariteit het vandag bekendgemaak dat hy ’n aansoek gaan bring om ’n minagtingsbevel teen die Departement van Korrektiewe Dienste (DKD) te bekom nadat dié departement versuim het om gehoor te gee aan ’n vroeëre bevel deur die konstitusionele hof.

Dit volg nadat die konstitusionele hof op 15 Julie vanjaar beslis het dat die DKD se besluit om nie sewe bruin DKD-werknemers aan die Wes-Kaap weens hul velkleur te bevorder nie, neergekom het op onbillike diskriminasie en arbeidspraktyk. Die hof het voorts beslis dat die lede almal terugwerkend vergoed en in dienooreenkomstige poste aangestel moet word.

“Sedertdien het die DKD, na vele aanmanings, versuim om twee van die lede soos in die bevel vervat, te vergoed en/of te bevorder,” het Anton van der Bijl, hoof van Solidariteit se Sentrum vir Billike Arbeidspraktyke, gesê.

Volgens Van der Bijl bring Solidariteit nou ’n minagtingsaansoek voor die arbeidshof waarin versoek word dat nie net die DKD nie maar ook beide die kommissaris van korrektiewe dienste, mnr. Zach Modise, sowel as die minister van korrektiewe dienste, mnr. Michael Masutha, in hul persoonlike hoedanigheid hiervoor aanspreeklik gehou moet word. “Solidariteit versoek ook voorts dat mnr. Modise in sowel ’n beëdigde verklaring en ’n hofverskyning moet aanvoer hoekom hy nie skuldig is aan minagting van die hof nie,” het Van der Bijl gesê.

Sien verklaring na afloop van die hofuitspraak. Klik hier

  •  
  •  
  •  
  •  
  •  
  •  

Ander Artikels

Solidariteit loods veldtog om die toekoms van die Suid-Afrikaanse staalbedryf te verseker
Die vakbond Solidariteit gaan op Donderdag 30 Maart 2017 sy “Steun Ons Staal”-veldtog (SOS) van stapel stuur. Die Suid-Afrikaanse staalbedryf beleef tans ekonomiese teëspoed vanweë ʼn drastiese afswaai in die groei van die plaaslike ekonomie, kostedruk in die vervaardigingsektor, asook uitermate hoë staalinvoere. Volgens Marius Croucamp, adjunkhoofsekretaris van Solidariteit se metaal- en ingenieursbedryf, het hierdie […]
Solidariteit se aansoek rakende Hlaudi dan aangehoor
Die vakbonde Solidariteit en die Broadcasting, Electronic, Media & Allied Workers Union (Bemawu) se aansoek dat Hlaudi Motsoeneng toegevoeg moet word as respondent in dié twee vakbonde se kostebevelsaak teen die SAUK sal op Dinsdag 28 Maart 2017 in die arbeidshof in Johannesburg aangehoor word. Dit volg nadat die arbeidshof in 2016 beslis het dat […]
Hoeveel Nico’s nog?
  Solidariteit veroordeel die doodsdreigemente wat Nico Viljoen, ʼn Solidariteit-lid van Orkney, ontvang weens ’n sosiale voorval wat in ’n Johannesburgse Spur-restaurant plaasgevind het en waarby hy nie betrokke was nie, ten sterkste. Hy het toevallig net dieselfde naam as een van die partye wat wel by die voorval betrokke was. Connie Mulder, hoof van […]
1 2 3 687