BEL ONS: 012 644 4300
DEEL MET JOU VRIENDE
Die staat is besig om jou gesondheid te kaap. In 2019 het die gevaar van die NGV in die vorm van 'n wetsontwerp om Nasionale Gesondheidsversekering uiteindelik wet te maak aan alle Suid-Afrikaners se deure kom klop en Solidariteit was aan die voorpunt om hierdie wetsontwerp te beveg! Solidariteit was reg van die begin af teen hierdie wetgewing gekant en ons het die navorsing gedoen om te bewys waarom hierdie wetgewing die Suid-Afrikaanse gesondheidsektor sal verwoes.

Solidariteit se navorsing toon ook dat die NGV nie net talle medici die land gaan laat verlaat nie, maar ook dat die land nie hierdie ekonomiese las sal kan dra nie.

Solidariteit is oorgehaal om jou stem by die openbare sittings oor die NGV te wees. Gee ons jou mandaat. 100 000 stemme sal gehoor word. Saam kan ons die NGV stop.
GEE JOU MANDAAT
NGV 2020
kontak_toestemming
  Laai Solidariteit se vorige verslae oor die NGV af; klik hier
Hierdie verslae werp lig op die impak wat die NGV op gesondheidspraktisyns sal hê en wat gesondheidspraktisyns se gevoel oor die NGV is.



  Laai Solidariteit se kommentaar wat oor die NGV ingedien is hier af; klik hier
Ons kommentaar as inset tot die openbare proses is saamgestel uit al Solidariteit se navorsing en dié kommentaar, wat met die oog op moontlike regstappe reeds die formaat van hofstukke aanneem, is ingedien.



Solidariteit gaan 'n afvaardiging stuur om ons stem dik te maak by die openbare verhore in Gauteng wat tussen 21 en 24 Februarie gaan plaasvind.
JOU KOMMENTAAR BETEKEN: Dat jy die Nasionale Gesondheid Versekering teenstaan; dat jy aanspraak maak op jou reg tot kwaliteit gesondheidsorg; en dat jy “nee” sê vir die gebruik van jou belastinggeld vir ’n plan wat nie die siektelas van Suid-Afrika gaan verbeter nie, maar vererger. Jy stem verder saam met Solidariteit dat ons niemand kwaliteit sorg wil ontneem nie en dat swak sorg en die onkunde oor toerusting sowel as die misbruik daarvan eers opgelos en aangepak moet word. Jy sê verder dat die NGV nie mediese sorg in Suid-Afrika gaan ophef en verbeter nie, maar eerder ’n groter las vir die belastingbetaler gaan word. Jy stem saam dat jy nie die regering vertrou om jou mediese behoeftes te bestuur nie en dat jy saam met Solidariteit hierdie saak steun.
DEEL MET JOU VRIENDE

Registreer / Register

Maak toe / Close