Solidariteit Beweging sluit samewerkingsooreenkoms met TLU SA

Dinsdag, Desember 6th, 2016

Die Solidariteit Beweging het vandag ’n samewerkingsooreenkoms met TLU SA gesluit.

Dit volg nadat die twee organisasies besluit het om mekaar se arms te sterk deur gemeenskaplike optrede in sake wat albei organisasies se lede raak. Hierdie samewerkingsooreenkoms is veral van belang omrede daar oorvleueling tussen die werksaamhede van TLU SA en organisasies soos AfriForum binne die Solidariteit Beweging is, wat ondermeer sake soos gemeenskapsveiligheid, eiendomsreg, omgewingsake en munisipale aangeleenthede insluit.

Volgens Flip Buys, voorsitter van die Solidariteit Beweging, is die ondertekening van hierdie ooreenkoms ’n groot stap om kwessies soos gemeenskapveiligheid daadwerklik aan te pak. “Dit is noodsaaklik dat AfriForum en TLU SA saamwerk om gemeenskappe te beveilig, omdat albei organisasies sterk veiligheidstrukture in plattelandse gebiede het. Ons sienings oor nasionale vraagstukke soos eiendomsreg stem ook ooreen, terwyl omgewingsake en die agteruitgang van munisipale dienste in die meeste dorpe vir beide organisasies se lede lewensbelangrik is,” het Buys gesê.

Bennie van Zyl, hoofbestuurder van TLU SA, reken dat dit belangrik is dat die burgerlike samelewing moet saamstaan en mekaar versterk. “Daar is tans baie onsekerheid rakende veral beleide en beleidstelling in Suid-Afrika en hierdie tipe samewerkingsooreenkomste is van kardinale belang om vooruitgang te verseker,” het Van Zyl gesê.

Die Solidariteit Beweging het reeds samewerkingsooreenkomste met verskeie ander organisasies, waaronder AgriSA.

Die Solidariteit Beweging is ’n sambreelliggaam wat bestaan uit verskeie burgerlike organisasies wat op ’n wye reeks terreine werksaam is. TLU SA is ’n burgerlike organisasie wat die landboubelang van die boerderygemeenskap sowel as landelike veiligheid bevorder.

 

  •  
  •  
  •  
  •  
  •  

Ander Artikels

Mynsterftes in 2016 teleurstellend – Solidariteit
Die vakbond Solidariteit het vandag gesê dat geen noemenswaardige verbetering ingetree het in die getal mynsterftes wat gedurende 2016 aangeteken is in vergelyking met dié van 2015 nie. Volgens statistieke wat die minister van minerale hulpbronne bekendgemaak het, het 73 mynwerkers gedurende 2016 in Suid-Afrikaanse myne omgekom, in vergelyking met die 77 werkers wat gedurende […]
Reuseskikking namens lid by SAPD weens regstellende aksie – Solidariteit
Die vakbond Solidariteit het vandag ’n reuseskikking namens een van sy lede in die Suid-Afrikaanse Polisiediens (SAPD) bereik. Dit volg nadat hierdie lid weens regstellende aksie telkens oor die hoof gesien is vir bevordering. Volgens Anton van der Bijl, hoof van Solidariteit se Sentrum vir Billike Arbeidspraktyke, is daar op grond van ras teen hierdie […]
Ons sal nie toelaat dat Barbrook dieselfde pad loop as Lily-myn nie – Solidariteit
  Die vakbond Solidariteit het vandag gesê dat hy nie sal toelaat dat Barbrook-myn, wat onlangs onder besigheidsredding geplaas is, dieselfde pad as sy sustermyn, Lily, loop nie. Dit volg nadat Solidariteit vandeesweek met die besigheidsreddingpraktisyn (BRP) oor die Barbrook-situasie vergader het. Volgens Connie Prinsloo, adjunkhoofsekretaris van die mynboubedryf by Solidariteit, het Solidariteit by die […]
1 2 3 675