Solidariteit bring hofaansoek om die Bedingingsraad vir die Metaal- en Ingenieursbedryf te red

Dinsdag, Desember 13th, 2016

 

Solidariteit het vandag hofstukke op alle belanghebbende partye beteken om die Bedingingsraad vir die Metaal- en Ingenieursbedryf (“MEIBC”) onder kuratorskap te laat plaas om dit sodoende van ondergang te probeer red.

Volgens Marius Croucamp, adjunkhoofsekretaris van Solidariteit, moes die vakbond nou ingryp om te red wat te redde is. “Die langdurige wanbestuur van die MEIBC is gekenmerk deur groot finansiële ongerymdhede, plundery en onderlinge politiekery. Dit het die MEIBC op sy knieë gedwing totdat die punt bereik is waar basiese verantwoordelikhede nie meer nagekom kan word nie.”

Solidariteit nader die arbeidshof vir ʼn bevel dat ʼn kurator/trustee met omvattende besigheidsreddingsmagte aangestel word om te poog om die MEIBC se sake reg te ruk. Volgens Croucamp is hierdie stap nie net in die belang van Solidariteit se lede nie, maar in die belang van die bedryf in die geheel. “Ordelike kollektiewe bedinging en dispuutresolusie staan sentraal tot die stabiliteit van die bedryf. Verantwoordelike rolspelers in die bedryf moet saamwerk om dit te beskerm.”

Croucamp verduidelik dat die MEIBC agterstallige skuld het wat die bedingsraad nie kan delg nie. “Weens uitstaande fooie van meer as R2 miljoen aan Tokiso het dispuutresolusie in die bedryf feitlik tot stilstand gekom. Gewone mense se dispute word eenvoudig nie aangehoor en afgehandel nie.”

Verskeie versoeke wat tot die minister van arbeid gerig is om in te gryp, het volgens Croucamp op dowe ore geval. “Die minister het eenvoudig verskeie skrywes wat die haglike toestand van die raad se finansies raad sowel as die wanbestuur daarvan uiteensit, geignoreer,” voeg Croucamp by.

Solidariteit hoop dat die kurator/trustee wat aangestel sal word die raad weer op koers sal kan kry en die verlammende greep waarin dit is, sal kan breek. “Die kurator word drie maande gegun om sake om te draai. Indien dit nie moontlik is nie, kan finale likwidasie die MEIBC gedurende 2017 in die gesig staar,” het Croucamp verduidelik.

  •  
  •  
  •  
  •  
  •  

Ander Artikels

Solidariteit begin reuseveldtog teen dubbelstandaarde wat geld by rassisme
  Die vakbond Solidariteit het vandag ’n reuseveldtog, wat oor ’n tydperk van drie maande strek, van stapel gestuur om uiteindelik ’n massaklag oor die selektiewe hantering van rassisme aan verskeie forums, wat onder meer die Internasionale Menseregtekommissie insluit, te oorhandig. Solidariteit beplan ook om oor die volgende drie maande ’n verslag oor dubbelstandaarde wat […]
Nog ’n Esidimeni 94-tragedie op hande as departement nie nou ingryp nie – Solidariteit
Die vakbond Solidariteit het vandag die departement van gesondheid gekap en gewaarsku dat gevalle soortgelyk aan die Life Esidimeni 94-tragedie wag as die departement nie nou dadelik ingryp by ’n TB-hospitaal in Vryheid, KwaZulu-Natal nie. Dit volg nadat die Siloah Lutherse TB-hospitaal in Vryheid onlangs ’n afleggingskennisgewing aan personeel gestuur het omdat hy nou onder […]
Solidariteit bevorder Afrikaans as moedertaal vir onderrig
Solidariteit herdenk vandag moedertaalonderrig saam met die res van die wêreld op Unesco (die Verenigde Nasies se Opvoedkundige, Wetenskaplike en Kulturele Organisasie) se internasionale moedertaaldag. Die tema van vanjaar se moedertaaldag is: “Op pad na ’n volhoubare toekoms deur veeltalige onderwys.” Terwyl Afrikaans oral in Suid-Afrika op kampusse en by skole in die gedrang is, […]
1 2 3 681