Solidariteit veg vir lede by Barbrook-myn

Vrydag, Januarie 6th, 2017

Die vakbond Solidariteit het vandag gesê dat hy bekommerd is oor die stand van sake by Vantage Goldfields se Barbrook-myn en dat hy steeds sal volhou om alles in sy vermoë te doen om sy lede by die myn te beskerm. Dit volg nadat die Barbrook-myn kort op die hakke van die sustermyn, Lily-myn, einde 2016 onder besigheidsredding geplaas is.

Volgens Connie Prinsloo, adjunkhoofsekretaris van die mynboubedryf by Solidariteit, gaan die vakbond volgende week op 11 Januarie die myn besoek om met bestuur en die aangewese besigheidsreddingpraktisyn te vergader rakende die toekoms van die myn en sy lede. “Werknemers by Barbrook-myn het nog net ’n gedeelte van hulle salaris vir November 2016 ontvang en het geen salaris vir Desember 2016 ontvang nie. Ons sal ons lede sover moontlik bystaan en in hul beste belange optree,” het Prinsloo gesê.

Volgens Prinsloo het die vakbond vroeër sy kommer uitgespreek oor die stand van sake by  Lily-myn wat ook onder besigheidsredding geplaas is, met werknemers wat in April 2016 aangemoedig is om vrywillige skeidingspakkette te neem, maar wat tot nou toe steeds wag op onbetaalde salarisse en pakketgelde. “Ons sal nie die uitbuiting van werknemers en ons lede duld nie en dus beskou ons hierdie komende vergadering met die besigheidsreddingpraktisyn in ’n baie ernstige lig,” het Prinsloo gesê. Solidariteit sal ook nie toelaat dat die Barbrook-werknemers, soos in Lily se geval, deur valse voorwendsels en beloftes mislei word nie.

  •  
  •  
  •  
  •  
  •  
  •  

Ander Artikels

Polmed skop oud-SAPD lede uit fonds
Honderde oud-polisielede sit sonder ʼn mediese fonds nadat Polmed hulle in kennis gestel het dat hulle nie meer aan Polmed mag behoort nie. Volgens ʼn brief wat Polmed aan die gewese lede gerig het, is die reëls verkeerd vertolk en weens ʼn administratiewe fout behoort die lede nie meer aan die fonds nie. Die lede […]
1 100 teddiebere protesteer teen kindermoorde
Die Solidariteit Helpende Hand Fonds het vanoggend 1 100 speelgoedbeertjies by die Streekhof in Pretoria uitgestal as simbool van die 1 100 kinders wat jaarliks in Suid-Afrika vermoor word. Die verhoor van Sheldean Human se beweerde moordenaar is vandag in die Streekhof voortgesit. Volgens Dirk Hermann, adjunk uitvoerende hoof van Solidariteit en hoof van die […]
Loononderhandelinge bereik dooiepunt by kernmaatskappye
Loononderhandelinge tussen die vakbond Solidariteit en twee kernmaatskappye het hierdie week op ’n dooiepunt uitgeloop. Solidariteit-lede by die Nuclear Energy Corporation of South Africa (Necsa) en Nuclear Technology Products (NTP) eis ʼn loonverhoging van 13% terwyl Necsa tans ʼn verhoging van 5% en NTP ’n verhoging van 6,2% aanbied. Volgens Marius Croucamp, Solidariteit-woordvoerder in die […]