Steun ʼn Student-veldtog: 5 000 studente kort studiefondse

Vrydag, Januarie 13th, 2017

Solidariteit Helpende Hand se Studiefondssentrum is in 2017 oorval met ʼn rekordgetal aansoeke vir studiehulp, in so ʼn mate dat tot 5 000 voornemende studente nie met befondsing vir vanjaar se studies gehelp kon word nie.

Hierdie uitdaging het ontstaan ten spyte van die feit dat die studiefonds ’n rekordgetal van 1 500 studente in 2017 met studies gaan help.  Die totale bedrag van R40 miljoen is die grootste bedrag wat hierdie studiefonds tot nog toe uitbetaal het.  Duisende oproepe van voornemende studente stroom sedert 3 Januarie onophoudelik in. Die nood is groot en die behoefte nog groter.  Daar word rekord gehou van hierdie jongmense se name en ons wil poog om hulle op ’n individuele grondslag behulpsaam te wees.

Dr. Dirk Hermann, bestuurshoof van Solidariteit, sê alhoewel sommige voornemende studente hulself op tersiêre vlak kan bekwaam, het hulle nie toegang tot die nodige fondse nie. “Dit is nie altyd moontlik vir studente om lenings aan te gaan nie en die staat se befondsing is ook nie vir hulle beskore nie,” verduidelik Hermann.

Solidariteit wil hierdie 5 000 studente ook met studiefondse help en doen ʼn beroep op die publiek om ook betrokke te raak en ʼn verskil in hierdie jongmense se lewens te maak. Word vandag deel van die Boufonds en skenk maandeliks ʼn bedrag wat aan die Studiefonds wat aangewend sal word om ʼn student te ondersteun.

Die Solidariteit Helpende Hand Studiefondssentrum (voorheen bekend as die Afrikaanse Beursinstituut) is in 2003 gestig om die behoefte van Solidariteit-lede en hul kinders ten opsigte van finansiële hulp vir tersiêre opleiding te help bevredig. Solidariteit Helpende Hand bestee jaarliks miljoene rande om verdienstelike studente, wat andersins nie sou kon studeer nie, te help.

 

SMS “Studeer” na 34802 (SMS kos R2) en ‘n agent sal u skakel

OF

Kliek hier om ‘n bydrae te maak.

 

  •  
  •  
  •  
  •  
  •  
  •  

Ander Artikels

Nuuskommentaar: Vier vryheid vandag, maar beoefen allereers selfstandigheid
Eugene Brink   Vandag sal ANC-leiers en veral pres. Jacob Zuma praat oor die stemreg wat 23 jaar gelede aan almal gegee is om hul eie leiers te kies. Hulle sal praat oor hoe sogenaamde ekonomiese vryheid nog nie vir die meerderheid van die bevolking aangebreek het nie – ten spyte daarvan dat die ANC […]
Nuuskommentaar: Zuma soek vandeesweek oral fout behalwe by homself en die ANC
Eugene Brink   ʼn Beleërde pres. Jacob Zuma is vandeesweek weer op ʼn strydvaart teen al sy vyande, werklikes sowel as denkbeeldiges. Vroeër die week het hy in ʼn toespraak by die Universiteit van Zoeloeland gesê sou die ANC en sy alliansievennote die mag verloor, sal die land in die greep van armoede wees. Voorts […]
Nuuskommentaar: Waaksaamheid moet SA keer om Venezuela-gemors te word
Eugene Brink   Die situasie in Venezuela is een van die grootste mensgemaakte tragedies ter wêreld. ʼn Mens sou dink dat kommunisme en selfs sosialisme as die ligter variant van ekonomiese egalitarisme ná die val van die Sowjetunie totaal en al gediskrediteer sou wees. Dit bly helaas ʼn magtige en aantreklike middel vir heersers om […]
1 2 3 69