Uitspraak in saak oor UP-taalbeleid ’n groot terugslag

Donderdag, Desember 15th, 2016

’n Terugslag vir Suid-Afrikaanse taalregte – dít is hoe die applikante AfriForum, AfriForum Jeug en Solidariteit die uitspraak van die Noord-Gautengse hoë hof in hul taalhofsaak teen die Universiteit van Pretoria (UP) beskryf. Die UP gaan in 2017 Afrikaans as medium van onderrig begin uitfaseer. Die saak is op 1 Desember 2016 aangehoor en dié drie organisasies se aansoek is vandag met koste van die hand gewys.

AfriForum, AfriForum Jeug en Solidariteit se regspan sal die uitspraak in detail bestudeer ten einde ’n besluit te neem om te appelleer al dan nie. Hulle is steeds van mening dat die universiteit se nuwe taalbeleid op ’n growwe skending van Afrikaanse studente se grondwetlik erkende taalregte neerkom.

Die drie organisasies sal enige stappe moontlik neem ter beskerming en handhawing van Afrikaanse studente se reg om in hulle moedertaal te studeer. Hulle het vanjaar reeds ’n soortgelyke saak teen die bestuur van die Universiteit van die Vrystaat gewen.

Die saak gaan ook nie net om die beregtiging van Afrikaanse studente nie, maar om die beskerming van die beginsels van moedertaalonderrig en meertaligheid, teenoor eentalige Engelse onderrig wat toenemend deur instellings afgedwing word. Dít ten koste van die sowat 90% van die land se inwoners wat ander moedertale het.

  •  
  •  
  •  
  •  
  •  

Ander Artikels

Mynsterftes in 2016 teleurstellend – Solidariteit
Die vakbond Solidariteit het vandag gesê dat geen noemenswaardige verbetering ingetree het in die getal mynsterftes wat gedurende 2016 aangeteken is in vergelyking met dié van 2015 nie. Volgens statistieke wat die minister van minerale hulpbronne bekendgemaak het, het 73 mynwerkers gedurende 2016 in Suid-Afrikaanse myne omgekom, in vergelyking met die 77 werkers wat gedurende […]
Reuseskikking namens lid by SAPD weens regstellende aksie – Solidariteit
Die vakbond Solidariteit het vandag ’n reuseskikking namens een van sy lede in die Suid-Afrikaanse Polisiediens (SAPD) bereik. Dit volg nadat hierdie lid weens regstellende aksie telkens oor die hoof gesien is vir bevordering. Volgens Anton van der Bijl, hoof van Solidariteit se Sentrum vir Billike Arbeidspraktyke, is daar op grond van ras teen hierdie […]
Ons sal nie toelaat dat Barbrook dieselfde pad loop as Lily-myn nie – Solidariteit
  Die vakbond Solidariteit het vandag gesê dat hy nie sal toelaat dat Barbrook-myn, wat onlangs onder besigheidsredding geplaas is, dieselfde pad as sy sustermyn, Lily, loop nie. Dit volg nadat Solidariteit vandeesweek met die besigheidsreddingpraktisyn (BRP) oor die Barbrook-situasie vergader het. Volgens Connie Prinsloo, adjunkhoofsekretaris van die mynboubedryf by Solidariteit, het Solidariteit by die […]
1 2 3 675