Verslag wys hoe burgery regering op hul neuse laat kyk

Woensdag, Desember 7th, 2016

58% – ongeveer die persentasie stemgeregtigde kiesers wat nie in vanjaar se verkiesing gestem het nie. 92% – die persentasie munisipaliteite met kommerwekkende geldsake; 4 – die aantal nuwe verloorrekords wat in 2016 deur die Springbokke opgestel is.

Hierdie syfers is van die vernaamste statistieke in die Solidariteit Navorsingsinstituut se 2016 in syfers-verslag wat vandag bekendgestel is. Die verslag dokumenteer Suid-Afrika se belangrikste syfers van die jaar en fokus op sport, arbeid, politiek, die ekonomie en finansies, asook misdaad.

Alhoewel die Springbokke die mistroostige ekonomie se onderprestering nagedoen het en korrupsie nuwe afmetings aangeneem het, het ons in 2016 ook heelwat redes gehad om trots en bly te wees. Dr. Eugene Brink, Senior Navorser van die Solidariteit Navorsingsinstituut, meen dat die burgery en die private sektor tydens 2016 eintlik goed gevaar en presteer het en sodoende die regering met al sy regulering en mislukkings deur die loop van 2016 goed op die neus laat kyk. “Die verslag wys dat Suid-Afrika groot probleme aan die ekonomiese front het, soos hoë werkloosheid en swak arbeidsmark-absorpsie. Stram arbeidsverhoudinge en -wetgewing, hoë staatskuld asook korrupsie is ’n reuseprobleem. Daarmee saam is ons rugby – wat altyd ’n groot bron van nasionale trots was – op die laagste peil wat dit sekerlik al ooit was,” sê dr. Brink.

Ten spyte van die menigte “probleemsyfers” wat in die verslag weergegee word, voer dr. Brink aan dat ons net hoef te kyk na die Olimpiese atlete se prestasies asook die stand van ons ouditeurs- en verslagdoeningstandaarde om te weet daar is nog rede tot blydskap.

Noemenswaardige syfers in die verslag sluit die volgende in:

  • 77% – die persentasie Suid-Afrikaners uit alle rassegroepe en van regoor die land wat in ’n peiling deur die Suid-Afrikaanse Instituut vir Rasseverhoudinge aangedui het dat meriete die enigste maatstaf vir die kies van sportspanne moet wees.
  • 68% – die persentasie kiesers in vanjaar se plaaslike-regeringsverkiesing wat reeds ’n maand voor die verkiesing besluit het vir wie om te stem. Slegs 8% het eers op stemdag besluit en 10% die naweek voor die verkiesing.
  • 7 978 980 – die aantal kiesers wat in vanjaar se verkiesing hul kruisies vir die ANC getrek het – slegs sowat 22% van alle stemgeregtigde kiesers.
  • 18% – die persentasie Suid-Afrikaners wat in ’n peiling deur die Suid-Afrikaanse Instituut vir Rasseverhoudinge (SAIRV) aangedui het dat grondhervorming ’n prioriteit vir die regering moet wees. Dit is die laagste van al die prioriteitskeuses in die peiling naas die breinkwyn.
  • 92% – die persentasie munisipaliteite wie se geldsake vanjaar volgens die Ouditeur-generaal kommerwekkend is of selfs ingryping verg. Dit was 82% in 2012-’13.
  • 15 218 753 – die aantal huishoudings in 2016 met toegang tot kraanwater. Dit was 7 234 023 in 1996.
  • 79% – die persentasie provinsiale departemente en openbare entiteite in die Wes-Kaap wat in 2015-’16 skoon oudits van die OG ontvang het – die hoogste van al die provinsies.
  • 49% – die aantal peilingsrespondente in ’n nuwe studie deur die Etiek-instituut van Suid-Afrika wat aangedui het dat dit moontlik is in Suid-Afrika om deur die lewe te gaan sonder om omkoopgeld te betaal. Hierdie syfer het vanaf 27% in 2015 gestyg. 

Klik hier om die volledige verslag te beskou

  •  
  •  
  •  
  •  
  •  

Ander Artikels

Solidariteit & AfriForum môre in appèlhof oor Afrikaans by Kovsies
Op Vrydag, 17 Februarie 2017, sal die saak oor die taalbeleid van die Universiteit van die Vrystaat in die appèlhof in Bloemfontein aangehoor word.  In Julie 2016 het Solidariteit, AfriForum en AfriForum Jeug ’n saak teen die Universiteitsraad se besluit om vanaf 2017 slegs Engels as medium van onderrig in die meeste fakulteite te gebruik, […]
Solidariteit vra SAMRK om regstelaksie te hersien ná VN SA kap oor rasseklasifikasie
Die vakbond Solidariteit het vandag die Suid-Afrikaanse Menseregtekommissie (SAMRK) gevra om wette oor swart ekonomiese bemagtiging en regstellende aksie formeel te ondersoek. Dit volg nadat die Verenigde Nasies se komitee vir die uitwissing van alle vorme van rassediskriminasie (CERD) in ’n verslag kritiek uitgespreek het op Suid-Afrika se stelsel van rasseklassifikasie. Volgens die verslag is […]
Die Solidariteit Beweging se opleidingsinstellings groei al sterker
Die Solidariteit  Beweging kondig met trots aan dat honderde voornemende studente Sol-Tech se opedag bygewoon het en dat 500 nuwe eerstejaars met hul studies by Akademia begin het. Dit volg nadat die twee instellings van die Beweging, Sol-Tech en Akademia, op 11 Februarie hul opedag en opening vir eerstejaars onderskeidelik gehou het. Die ondersteuning en […]
1 2 3 680