INLEIDING
Solidariteit is jou bondgenoot, as’t ware jou ouer broer, in die werkplek – die een wat al sedert 1902 sy lede teen uitbuiting in die werkplek beskerm; die een wat selfs vir jou as professionele individu werksekerheid skep.
Solidariteit bied tans ’n betroubare diens aan nagenoeg 140 000 lede in alle beroepsvelde, kollektief en professioneel, en het die passie en kennis om na die belange van sy lede om te sien en te verseker dat hulle regte in die werkplek beskerm word. Die vakbond het meer as 20 kantore landwyd en lede word deur meer as 300 personeellede en 1 275 vakbondverteenwoordigers in duisende maatskappye bedien. Eenvoudig gestel: Solidariteit maak seker dat sy lede die nodige bystand kry om hulle werk en dus hulle inkomste te beskerm, want jou werk is ons werk!
Agtergrond
Die Solidariteit van vandag het reeds op 22 Junie 1902 ontstaan toe die Transvaal Miners’ Association gestig is. Die vakbond Solidariteit het in 2012 sy 110de bestaansjaar gevier. Solidariteit het dus 110 jaar ondervinding in Suid-Afrika se arbeidsmark.
Die vakbond het in sy 110-jarige bestaan vier groot veranderings ondergaan. Baie Suid-Afrikaners sal meer bekend wees met die Mynwerkersunie, oftewel die MWU. In 1913 is die Transvaal Miners’ Association se naam na die MWU verander. In 2001 is die MWU na MWU-Solidariteit verander en sedert 2002 staan die vakbond net as Solidariteit bekend.
ONS GLO IN
1. Christelike grondslag 2. Kollektiewe bedinging 3. Verbind Suid-Afrika en grondwet 4. Onafhanklik van partypolitiek 5. Beskerming van minderhede en demokrasie 6. Billike toepassing van Regstellende aksiee 7. Afrikaans 8. Vryemark-ekonomie - verantwoordelike werksverhoudinge 9. Selfdoen en volhoubare ontwikkeling
Die vakbond Solidariteit vind homself binne die Christelike tradisie van vakbondwese wat glo dat ons ons lede moet lei tot selfstandigheid sodat hulle hul roeping kan navolg.
Solidariteit se optrede word deur sy Christelike waardestelsel bepaal.
Solidariteit se optrede word deur sy Christelike waardestelsel bepaal.
Kollektiewe bedinging, werkbeskerming en die verbetering van diensvoorwaardes is die kernbesigheid van die vakbond. Solidariteit streef na ʼn veilige en gesonde werkplek vir sy lede.
Solidariteit is verbind aan Suid-Afrika en wil hier ʼn toekoms vir sy lede skep. Ons glo Suid-Afrika is ʼn land vir almal wat daarin woon. Solidariteit is verbind tot die Suid-Afrikaanse Grondwet en sal die regte wat die Grondwet aan sy lede gee, aktief opneem.
Die vakbond verbind hom nie aan enige politieke party nie. Ons praat met almal, maar verbind ons aan niemand nie.
Solidariteit glo aan ware demokrasie waarin minderheidsregte erken en beskerm word. Die vakbond veg aktief, maar nie eksklusief nie, vir die regte van minderhede in die land en spesifiek diegene wat uit die regering se regstellende aksie programme gesluit word.
Solidariteit glo dat wanbalanse reggestel moet word sonder om nuwe vorme van wanbalans te skep. Die manier waarop regstellende aksie tans toegepas word, skep ernstige nuwe vorme van diskriminasie. Die ideologie van verteenwoordiging veroorsaak dat die massas nie bevoordeel word nie en wittes ernstig benadeel word.
Solidariteit het histories ʼn noue verbintenis met die Afrikaner-gemeenskap en het steeds so ʼn verbintenis. Die voertaal van die organisasie is Afrikaans, alhoewel die vakbond inklusief is en sover prakties moontlik ook in Engels met lede kommunikeer.
Solidariteit staan ʼn ekonomiese orde van vrye mededinging voor. Die Suid-Afrikaanse ekonomiese beleid behoort gebaseer te word op ʼn vryemark-ekonomie waar daar balans tussen die verskillende rolspelers in die ekonomie bestaan.
Solidariteit glo daaraan om sy lede te bemagtig om selfstandig te wees. Die vakbond is aktief op die terreine van opleiding, werkplasing en aftreevoorsiening. Die vakbond glo daaraan om die kapitaal van sy lede te mobiliseer en sodoende selfstandige instellings, waaruit lede hulle regte kan laat realiseer, te skep.
ARBEIDSDIENSTE
Die vakbond Solidariteit se hooffunksie is om sy lede in die werksplek te beskerm. Solidariteit doen dit deur sy Arbeidsdiensteafdeling wat in verskeie bedrywe duisende kollektiewe en individuele lede landswyd beskerm.Lees meer.
BEDRYWE
Solidariteit organiseer kollektief in verskeie Suid-Afrikaanse bedrywe wat ondermeer Mynbou, Metaal- en Ingenieurswese, Landbou, Lugvaart, Chemies en Universiteitwese insluit. Die vakbond verteenwoordig ook individuele lede wat in onderskeie werksplekke regoor die land werksaam is. Lees meer.
SOLIDARITEIT REGSDIENSTE
Solidariteit se regsdepartement is nie net die grootste regsdepartement in alle Suid-Afrikaanse vakbonde nie, maar tel ook onder die grootste arbeidsregpraktyke in Suid-Afrika.Lees meer.
Solidariteit
 |
Die Solidariteit van vandag kom van ver en het op 22 Junie 1902 ontstaan toe die Transvaal Miners’ Association gestig is. Met 110 jaar se ervaring in die Suid-Afrikaanse arbeidsmark op sy kerfstok is Solidariteit selfs ouer as die regerende party, die ANC. |
AfriForum
 |
Laat jou stem hoor ... AfriForum is ʼn moderne burgerregte-organisasie wat daagliks die regte en belange van landsburgers beskerm. AfriForum eis die regte van sy lede en hul gemeenskappe op deur middel van sy gemeenskapstrukture en deur gebruikmaking van toepaslike wetgewing. |
Helpende Hand
 |
Solidariteit Helpende Hand, ʼn onafhanklike artikel 21-maatskappy, is Solidariteit se gemeenskapsinisiatief wat hom vir die opheffing van die gemeenskap beywer. Solidariteit Helpende Hand glo dat opleiding die beste manier bied waarop die gemeenskap opgehef kan word. |
Sol-Tech
 |
Sol-Tech lei studente in ambagte op. Die instelling is as ʼn instelling vir verdere onderwys en opleiding geregistreer en is by die tersaaklike Setas geregistreer. Sol-Tech fokus daarop om opleiding in skaars en kritieke vaardighede aan studente te bied. |
SBM
 |
Die Solidariteit Beleggingsmaatskappy (SBM) bestuur Solidariteit se besigheidsafdeling en word ten volle deur die vakbond besit. SBM se doel is om bykomende dienste aan lede te verskaf en om kapitaal te skep om ons lededienste verder te verbeter. |
Akademia
 |
Akademia is ʼn splinternuwe, privaat Afrikaanse tersiêre opleidingsinstelling wat kwalifikasies in verskeie beroepsrigtings deur middel van afstandsonderrig aanbied. Akademia is ʼn baanbreker op die gebied van moderne onderrig – en om deur Akademia te studeer is boonop tussen 30% en 50% goedkoper as by ander tersiêre instellings. |
FAK
 |
Die Federasie van Afrikaanse Kultuurvereniginge (FAK) is die oudste sambreelorganisasie en leier van kultuurverenigings. Die FAK is nie slegs ʼn koördineerder van kultuurverenigings nie, maar bied ʼn tuiste en sin van samehorigheid aan die ganse Afrikaanse gemeenskap. |
Kraal Uitgewers
 |
Kraal Uitgewers is ʼn gespesialiseerde uitgewery wat hoofsaaklik op die publikasie van gehalteboeke oor die Suid-Afrikaanse geskiedenis fokus. Kraal publiseer ook werke wat die geskiedenis vernuwe en standpunt inneem oor aktuele kwessies in Suid-Afrika. |
Maroela Media
 |
Maroela Media is ʼn Afrikaanse eenstop-internetkuierplek wat besoekers op hoogte hou van wat in die wêreld – en spesifiek in die wêreld van Afrikaans – aan’t gebeur is. Hier kry jy ook ʼn kykie in die gedagtes en gesprekke van Afrikaanssprekende meningsvormers. |
S-Leer
 |
S-Leer is ʼn gehalte Afrikaanse opleidingsentrum van die Solidariteit Beweging. Hulle bemagtig professionele persone met CPD–punte (voortgesette professionele ontwikkeling) en persoonlike ontwikkeling wat jou in staat stel om jou loopbaandoelwitte te bereik. |