Registreer / Register

Solidariteit Onderwysgilde: Onderwystoekenning 2021
Bepalings en voorwaardes

1. Nomineer 'n onderwyser wat na jou mening die titel “Onderwyser van die Jaar” waardig is.
2. Nominasies word gedoen by (Bemarking voeg skakel in asb.) deur die velde in te vul.
3. Inskrywings is gratis.
4. Die wenners word aangewys op grond van 'n kombinasie van punte wat toegeken is in 'n paneelbeslissing en deur die publiek se stemme.
5. Die genomineerde se lidmaatskap van Solidariteit se Onderwysgilde sal tot die genomineerde se voordeel strek en kwalifiseer vir 'n addisionele puntetoekenning.
6. Die getal onderwysernominasies wat 'n nomineerder mag indien is onbeperk, maar die betrokke onderwyser mag slegs een keer genomineer word.
7. Die getal inskrywings is onbeperk.
8. Die genomineerde is verantwoordelik vir die korrektheid en suksesvolle registrasie van sy/haar inskrywing.
9. Deelname aan die kompetisie impliseer aanvaarding van alle bepalings, reëls en voorwaardes.
10. Die nominasies kan vanaf 2 Augustus 2021 tot 26 Augustus 2021 ingestuur word, waarna 'n siftingsproses volg.
11. Die stemproses vir die publiek, waartydens lede van die publiek vir kwalifiserende kandidate kan stem, open op 20 September en sluit op 28 September 2021
12. Die finaliste sal daarna bekend gemaak en uitgenooi word na die Onderwysgilde se glansgeleentheid op 5 Oktober 2021.
13. Covid-19-regulasies en inperkingsregulasies mag die datum of die hou van die glansgeleentheid beïnvloed.
14. Indien die wenners nie die glansgeleentheid kan bywoon nie, sal 'n ander wenner aangewys word.
15. Die beslissing van die paneel is finaal en is nie onderhandelbaar nie.
16. Geen laatinskrywings sal aanvaar word nie.
17. Die naam van die wenner sal op al Solidariteit se openbare platforms bekend gemaak word.
18. Geen pryse kan oorgedra, omgeruil of uitgeruil word nie.
19. Die wenner stem in om hul samewerking te gee en aan al Solidariteit Onderwysgilde se openbare of mediageleenthede wat met die kompetisie verband hou deel te neem. Die wenner stem ook in dat sy/haar besonderhede op Solidariteit se webblaaie mag verskyn.
20. Alle inskrywings word die eiendom van Solidariteit en sal in 'n databasis opgeneem word, maar die inligting sal vertroulik hanteer word en slegs vir Solidariteit se gebruik wees.
21. Deelname aan hierdie kompetisie veronderstel toestemming om deur Solidariteit gekontak te word vir Solidariteit-lidmaatskap en verwante voordele (Sluit in Solidariteit-lidmaatskap, Boufonds, Regsfonds, Jeug)
22. Alle deelnemers vrywaar die Solidariteit Beweging, sowel as die borge en agentskappe wat by hierdie promosie betrokke is, van enige skade en/of koste voortspruitend uit eise wat die deelnemer mag hê of opdoen deur deelname aan die kompetisie en/of die benutting van die prys.
23. Indien Solidariteit nie daarin slaag om 'n pryswenner binne vyf werksdae ná die finale beslissing per e-pos of telefonies te kontak nie, sal 'n ander wenner aangewys word.
24. Solidariteit en sy vennote is nie aanspreeklik vir enige tegniese fout wat daartoe kan lei dat 'n inskrywing nie suksesvol ingedien word nie. Solidariteit aanvaar geen verantwoordelikheid vir inskrywings wat onafgelewer is, verlore raak of vertraag word nie. Bewys van stuur is nie bewys van ontvangs nie. 'n Inskrywer moet self ontvangs van sy/haar inskrywing bevestig.
25. Die wenner in elke kategorie sal op 5 Oktober 2021 tydens die Onderwysgilde se glansgeleentheid aangekondig word en hul pryse ontvang.

Klik hier om die volledige bepalings en voorwaardes te lees.

Ambaggilde-verwysingskompetisie: Bepalings en voorwaardes

1. Deelname aan die promosie impliseer aanvaarding van alle bepalings, reëls en voorwaardes.
2. Elke suksesvolle Solidariteit-lidmaatskapaansluiting waarborg aan die persoon wat die verwysing maak 'n Takealot-geskenkbewys ter waarde van R150.
3. Die persoon wat die verwysing maak
   Dit is die persoon wat die verwysing deurgee se verantwoordelikheid om aan die onderstaande vereistes te voldoen. Geen geskenkbewys sal uitbetaal word indien die persoon wat verwys is:
   • reeds 'n lid op die stelsel is nie
   • nie aansluit by Solidariteit nie
   • slegs as 'n ondersteuningslid aansluit (bv. Boufonds, Regsfonds en Jeug-ondersteunerslidmaatskap); of
   • indien Solidariteit nie die persoon teen die einde van die kompetisie in die hande kry nie..
4. Die kompetisie sluit die 31ste Augustus 2021.
5. Inskrywings is onbeperk, maar duplikaat inskrywings sal nie oorweeg word nie.
6. Die geskenkbewys sal nie vir kontant verruil kan word nie.
7. Om vir die prys in aanmerking te kom, moet jy bo die ouderdom van 18 jaar wees.
8. Alle deelnemers vrywaar die Solidariteit Beweging, sowel as die borge en agentskappe wat by hierdie promosie betrokke is, van enige skade en/of koste voortspruitend uit eise wat die deelnemer mag hê, of opdoen deur deelname aan die kompetisie en/of die benutting van die prys.
9. Solidariteit en sy vennote kan nie aanspreeklik gehou word vir enige tegniese fout wat daartoe kan lei dat 'n inskrywing of aansoekvorm onsuksesvol ingedien word nie. Solidariteit aanvaar geen verantwoordelikheid vir inskrywings of aansoekvorms wat nie afgelewer is, verlore raak of vertraag word nie. Bewys van stuur is nie bewys van ontvangs nie. Persone wat inskryf moet self ontvangs van sy/haar inskrywing bevestig.
10. Die geskenkbewys is slegs geldig vir twee jaar.

Klik hier om die volledige bepalings en voorwaardes te lees.

#GoeieGons 2021: Bepalings en voorwaardes
Solidariteit Gilde vir Kommunikasie en Bemarking

Die Solidariteit Gilde vir Kommunikasie en Bemarking wil deur die #GoeieGons-toekenning erkenning gee aan die onblusbare talent van Afrikaanse ontwerpers, bemarkers, kopieskrywers, joernaliste, omroepers, videovervaardigers en fotograwe.

1. Nomineer 'n Afrikaanse ontwerper, bemarker, kopieskrywer, joernalis, omroeper, videovervaardiger of fotograaf met 'n #GoeiGons-benoeming en gee só aan hierdie talentvolle mense die erkenning wat hulle verdien.
2. Nominasies is gratis en kan in vyf kategorieë gemaak word, naamlik vir Skryfwerk, Grafiese ontwerp, Fotografie, Radio, en Videoproduksie.
3. Om 'n persoon vir sy of haar kreatiewe werk te nomineer volg die stappe hieronder:
   • Stap 1: Neem 'n foto of skermskoot van die werk wat genomineer word of nomineer 'n aanhaling van die betrokke item, artikel of slagspreuk.
   • Stap 2: Klik op die volgende skakel: https://solidariteit.co.za/goeie-gons/
   • Stap 3: Vul jou besonderhede en dié van die persoon wat jy nomineer hier in om te kwalifiseer.
   • Stap 4: Klik op die kategorie-kieslys en kies die beroepsveld wat van toepassing is en laai die persoon wie se werk jy nomineer daar op. Jpeg-, pdf-, Mp3- en Mp4-formate word aanvaar.
   • Stap 5: Deel gerus die skakel op sosiale media en moedig nog mense aan om Afrikaanse talent vir hierdie gesogte toekenning te nomineer.
4. Finaliste sal slegs oorweeg word indien die skakel volledig ingevul is.
5. Die getal inskrywings per kategorie is onbeperk.
6. Die getal nominasies per persoon is ook onbeperk.
7. Geen persone onder 18 jaar mag aan die kompetisie deelneem nie.
8. Die nomineerder is verantwoordelik vir die korrektheid en suksesvolle registrasie van die genomineerde se inskrywing.
9. Die genomineerde sal kan bevestig dat dit sy of haar oorspronklike werk is en dat hy of sy die toekenningsnominasie aanvaar.
10. Deelname aan die kompetisie impliseer aanvaarding van alle bepalings, reëls en voorwaardes.
11. Nominasies sluit op 30 Julie 2021.
12. Die topvyf-nominasies uit elke kategorie word op 16 Augustus 2021 op 'n stemblad geplaas waarna dit vir stemming deur lede van die publiek beskikbaar sal wees.
13. Die stemblad sluit op 31 Augustus 2021.
14. Die wenners uit elke kategorie word tydens die Gonsfees, wat in September 2021 sal plaasvind, aangewys.
15. Indien die wenner nie die Gonsfees kan bywoon nie, sal 'n ander wenner gekies word.
16. Die wenners sal deur 'n onafhanklike paneel sowel as by wyse van die publiek se stemme vir elke kategorie gekies word. Beslissings is finaal.
17. Geen laat inskrywings sal aanvaar word nie.
18. Die wenner sal op al Solidariteit se openbare platforms bekend gemaak word.
19. Geen pryse kan oorgedra, omgeruil of uitgeruil word nie.
20. Die wenners stem in om hul samewerking te gee en om aan al Solidariteit se openbare of mediageleenthede deel te neem wat met die kompetisie verband hou. Genomineerdes stem ook in dat hul besonderhede op Solidariteit se webwerwe mag verskyn.
21. Alle inskrywings word die eiendom van Solidariteit, maar die inligting sal vertroulik hanteer word en slegs vir Solidariteit se gebruik wees.
22. Deelname aan hierdie #GoeieGons-nominasieproses veronderstel toestemming om deur Solidariteit gekontak te word.
23. Alle deelnemers vrywaar die Solidariteit Beweging, sowel as die borge en agentskappe wat by hierdie promosie betrokke is, van enige skade en/of koste voortspruitend uit eise wat die deelnemer mag hê of opdoen deur deelname aan die kompetisie en/of die benutting van die prys.
24. Indien Solidariteit nie daarin kan slaag om die pryswenner binne vyf werksdae per e-pos of telefonies te kontak nie, sal die naaswenner as wenner aangewys word.
25. Solidariteit en sy vennote is nie aanspreeklik vir enige tegniese fout wat daartoe kan lei dat 'n inskrywing nie suksesvol ingedien word nie. Solidariteit aanvaar geen verantwoordelikheid vir inskrywings wat onafgelewer is, verlore raak of vertraag word nie. Bewys van stuur is nie bewys van ontvangs nie. 'n Inskrywer moet self ontvangs van sy/haar inskrywing bevestig.

Klik hier om die volledige bepalings en voorwaardes te lees.

Met die mosie eis ek die volgende: 

• Dat internasionale forums en regerings die nodige uitsprake maak en begin optree teen die Suid-Afrikaanse regering.
• Dat CERD as waghond moet optree om die Suid-Afrikaanse regering se toepassing van regstellende aksie dop te hou.
• Dat regstellende aksie deursigtig en billik toegepas word op grond van sosio-ekonomiese behoeftes en toepaslike kwalifikasies, eerder as op grond van velkleur en numeriese teikens.
• Dat regstellende aksie nie onbepaald mag voortduur nie.