Solidariteit se Regsnetwerk is ʼn beroepstuiste vir kandidaatprokureurs, regsadviseurs, prokureurs, advokate en regters. Dit is waar lede die belange van die regsberoep gesamentlik kan bevorder. Dit is ʼn gemeenskap wat geborgenheid in die beroep bevorder en só die regsberoep versterk en dien. Die Regsnetwerk vervul die rol as waghond en help lede ten opsigte van sake wat hulle nadelig beïnvloed. Dié beroepsnetwerk help ook om Afrikaans as beroepstaal te bevorder. Dit bied bystand aan studente en kandidaatprokureurs deur hulle te help om werk te vind en om opleiding te ontvang. Daar word ook gereeld seminare oor temas met betrekking tot die regsberoep aangebied.