Solidariteit se Verpleegnetwerk is jou vennoot deur al die stadiums van jou loopbaan, hetsy jy studeer, praktiseer of gereedmaak vir aftrede. Binne jou professie beleef jy elke dag uitdagings asook suksesse en hierdie netwerk staan jou by deur om onder andere as waghond vir jou op te tree, maar dit is ook meer as dit. Die netwerk is ook daar om jou te help ontwikkel en met kennis toe te rus sodat jy jou daaglikse take professioneel en eties kan aanpak. Ons tree ook namens die verpleegprofessie op deur verhoudinge te bou met ander instellings wat ʼn invloed op die beroep kan uitoefen. Solidariteit se Verpleegnetwerk het ten doel om ʼn veilige omgewing te skep waar verpleegkundiges volhoubare gesondheidsorg kan lewer.